Results 1 to 3 of 3

Thread: Suna hai log usay aankh bhar ke dekhtey hain,

  1. #1
    Join Date
    Sep 2010
    Location
    HeAvEn
    Age
    30
    Posts
    653
    Mentioned
    0 Post(s)
    Tagged
    34 Thread(s)
    Thanked
    0
    Rep Power
    21474844

    Default Suna hai log usay aankh bhar ke dekhtey hain,

    Suna hai log usay aankh bhar ke dekhtey hain,
    So us k shehr main kuch din theher k dekhtey hain

    Suna hai rabt hai uss ko kharaab haalo'n se,
    So apney aap ko barbaad ker ke dekhtey hain

    Suna hai dard ki gaahak hai chashm-e-naaz uski,
    So hum bhi uss ki gali se guzar k dekhtey hain..

    Suna hai usko bhi hai sher-o-shaiyrii se shughaf,
    So hum bhi mau'jzay apney hunar ke dekhtey hain

    Suna hai bolay to baaton se phool jhartey hain,
    Ye baat hai to chalo baat ker ke dekhtey hain

    Suna hai raat ussey chaand takta rehta hai,
    Sitaarey baam-e-falak se utar ke dekhtey hain..

    Suna hai din ko usay titliaa'n sataati hain,
    Suna hai raat ko jugnoo theher ke dekhtey hain

    Suna hai hashr hain uss ki ghazal si aankhain,
    Suna hai uss ko hiran dasht bhar ke dekhtey hain.

    Siyaah chashm to dekhay hain per na aisay bhi,
    K uss ko surma farosh aah bhar ke dekhtey hain

    Suna hai uss ke labo'n se gulaab jaltey hain,
    So hum bahaar pe ilzaam dhar ke dekhtey hain

    Suna hai aaina tamsaal hai jabee'n uski,
    Jo saada dil hain ussay ban sanwar ke dekhtey hain

    Suna hai jab se hamaail hain uss ki gardan main,
    Mizaaj aur hi la'al-o-gohar ke dekhtey hain.

    Suna hai chashm-e-tasawwar se dasht-e-imkaa'n mein,
    Palang zaaviye uss ki kamar ke dekhtey hain

    Suna hai uss k badan ki taraash aysii hai,
    Ke phool apni qaba'ain kutar ke dekhtey hain

    Wo sar-o-qad hai magar be-gul-e-muraad nahi,
    Ke us shajar pe shagoofey samar ke dekhtey hain.

    Nazar uthey to ye samjho k deen-o-dil to gaye,
    So rehrawaan-e-tamanna bhi dar ke dekhtey hain..

    Rukay to gardishain uss ka tawaaf kerti hain,
    Chaley to uss ko zamaaney theher ke dekhtey hain

    Kahaniyaa'n hi sahi,sab mubaalghey hi sahi,
    Agar woh khuwab hai,ta'abeer ker ke dekhtey hain

    Kisay naseeb ke be-pairhan ussay dekhey,
    Kabhi kabhaar,dar-o-deewaar ghar ke dekhtey hain.

    Ab uske shehr mein tehrain k kooch ker jaayin,
    Faraaz! aao sitaarey safar ke dekhtey hain....!
    2edb7k6 - Suna hai log usay aankh bhar ke dekhtey hain,

  2. #2
    Join Date
    Mar 2010
    Location
    *In The Stars*
    Posts
    18,093
    Mentioned
    1 Post(s)
    Tagged
    1271 Thread(s)
    Thanked
    0
    Rep Power
    21474862

    Default Re: Suna hai log usay aankh bhar ke dekhtey hain,

    one of my fav
    good sahring....../up




    Yahi Dastoor-E-ulfat Hai,Nammi Ankhon,
    Mein Le Kar Bhi,

    Sabhi Se Kehna Parta Hai,K Mera Haal,
    Behter Hai...!!


  3. #3
    Join Date
    Jul 2010
    Location
    Karachi....
    Posts
    31,280
    Mentioned
    41 Post(s)
    Tagged
    6917 Thread(s)
    Thanked
    0
    Rep Power
    21474875

    Default Re: Suna hai log usay aankh bhar ke dekhtey hain,

    Kahaniyaa'n hi sahi,sab mubaalghey hi sahi,
    Agar woh khuwab hai,ta'abeer ker ke dekhtey hain
    2 gud


    Ik Muhabbat ko amar karna tha.....

    to ye socha k ..... ab bichar jaye..!!!!


Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •