Results 1 to 2 of 2

Thread: Aao Ham Biccher Jain By Mazhar UL Islam

  1. #1
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    839 Post(s)
    Tagged
    9270 Thread(s)
    Thanked
    1180
    Rep Power
    21474971

    Aao Ham Biccher Jain By Mazhar UL Islam

    AsasSay


    sab se pehle unho ne hansi aadhi aadhi baant li toh woh boli.
    "tum apne hisse ki hansi ka kaya karo ghe?"
    "yateem khane k chhote chhote bachon ko de doon gha"
    us ne jawab diya.
    woh bari faraKh dil nikli aur jab udaasi baantne ka waqt aya toh
    kehne lagi..." mein is mein se kuch kuch nahi leti, sari udaasi tum
    rakh lo."
    is tarah us ne sara safar, sara intazaar, khazaan k sare mousam,
    sardiyon ki tanha shamein, use de diin aur kehne lagi.
    "aj toh tumhe andaza ho gaya ho gha k mein kanjoos nahi hoon."
    woh buhat khush huwa aur bola." woh dopahr bhi sari mujhko de do,
    jab ham pehli baar mille the." woh maan gaye to us ne woh dopahr
    bhi udaasi, khazaan k mousamon, tanhaye aur safr k dhair par rakh
    di.
    itne mein us ne farakh dilana lehje mein poocha "in sab ka kaya
    karo ghe?" woh bare mutamaeen lehje mein bola.
    "apni udaasi ka jo hissa tumne mujhe diya hai, use zindagi bhar
    apne sath rakhoon gha, shaamein boorhe librarian k naam kar doon
    gha. intazaar mandair par rakhe us diye mein daal doon gha, jisse
    sare-shaam jala kar koi ladki kisi ki chaap ki muntazer ho ghi. sara safar khat mein daal kar post kar doon gha, jin ka mehboob duur ho gha, aur us se milne k liye bechain ho."
    rait per ungli se ik lambi lakeer khainch kar woh boli "sara maazi bhi tum rakh lo." yak dam khushi ki lahr us k chehre par uthi aur aankhon mein aa kar thehr gaye. us ne cigrate sulgaya aur bola.
    "tum ne apna sara maazi bhi mujhe de kar buhat acha kiya."
    "is ka kaya karo ghe?" us ne poocha.
    "isse oodh k phiroon gha. aane wali garm tanha dopahron aur sard
    shamon mein..." woh muskuraye.
    "sare lafz bhi tum le lo."
    woh mamnoon sa ho gaya aur bola."mein sare lafz bhi postmeno
    mein baant doon gha. magar hamare darmiyaan kuch geeton ki saanjh bhi he...!"
    "haan woh bhi tum le lo"
    "theek hai" woh mutmaeen sa ho gaya.
    "in ka kaya karo ghe?"
    malahon, saarbaanon aur charwahon mein baant doon gha. kisi se toot kar mohabat karne wali ladki ko de doon gha."
    yuun hi woh kitni dair apne asasSay baante rahe


    Mazhar UL Islam - (Aao Ham Biccher Jain)
    Last edited by Arslan; 06-08-2012 at 02:02 AM.

  2. #2
    Join Date
    Mar 2010
    Location
    Apne E Ap mein,,,
    Posts
    20,228
    Mentioned
    12 Post(s)
    Tagged
    3230 Thread(s)
    Thanked
    0
    Rep Power
    21474864

    Default Re: Aao Ham Biccher Jain By Mazhar UL Islam

    wah kia khoob likha hai....


Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •