Results 1 to 1 of 1

Thread: ab ke tajdiid-e-vafaa kaa nahii.n imkaaN jaanaa

  1. #1
    Join Date
    Aug 2008
    Location
    KhI
    Posts
    2,022
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    21474848

    Default ab ke tajdiid-e-vafaa kaa nahii.n imkaaN jaanaa

    ab ke tajdiid-e-vafaa kaa nahiin imkaa jaanaa
    yaad kyaa tujh ko dilaaye.N teraa paimaa jaanaaN

    [tajdiid=renewal; imkaa.N=possibility]
    [jaanaa.N=dear one/beloved; paimaa.N=promise]


    yuu.N hii mausam kii adaa dekh ke yaad aayaa hai
    kis qadar jald badal jaate hai.n insaaN jaanaa

    zindagii terii ataa thii so tere naam kii hai
    ham ne jaise bhii basar kii teraa ehasaaN jaanaa

    [ataa=given by; basar=to live; ehasaa.N=favour]

    dil ye kahataa hai ki shaayad ho fasurdaa tuu bhii
    dil kii kyaa baat kare.n dil to hai naadaaN jaanaa

    [fasurdaa=sad/disappointed]

    avval-avval kii muhabbat ke nashe yaad to kar
    bepiye bhii teraa cheharaa thaa gulistaaN jaanaa

    [avval-avval=the very first]

    aaKhir aaKhir to ye aalam hai ki ab hosh nahii.n
    rag-e-miinaa sulag uThii ki rag-e-jaaN jaanaa

    [rag=veins; miinaa=wine-holder; jaa.N=life]

    muddato.n se ye aalam na tavaqqo na ummiid
    dil pukaare hii chalaa jaataa hai jaanaaN jaanaa

    [muddat=awhile; tavaqqo=hope]

    ham bhii kyaa saadaa the ham ne bhii samajh rakhaa thaa
    Gam-e-dauraa.N se judaa hai Gam-e-jaanaaN jaanaa

    [Gam-e-dauraa.N=sorrows of the world]

    ab kii kuchh aisii sajii mahafil-e-yaaraaN jaanaaN
    sar-ba-zaanuu hai ko_ii sar-ba-girebaaN jaanaa

    [sar-ba-zaanuu=forehead touching the knees]
    [sar-ba-girebaa.N=lost in worries]

    har ko_ii apanii hii aavaaz se kaa.Np uThataa hai
    har ko_ii apane hii saaye se hiraasaaN jaanaa

    [hiraasaa.N=scared of]

    jis ko dekho vahii zanjiir-ba-paa lagataa hai
    shahar kaa shahar huaa daaKhil-e-zindaaN jaanaa

    [zanjiir-ba-paa=feet encased in chains; zindaa.N=prison]

    ab teraa zikr bhii shaayad hii Gazal me.n aaye
    aur se aur huaa dard kaa unvaaN jaanaa

    [unvaa.N=start of chapter/title]

    ham ki ruuThii hu_ii rut ko bhii manaa lete the
    ham ne dekhaa hii na thaa mausam-e-hijraaN jaanaa

    [mausam-e-hijraa.N=season of separation]

    hosh aayaa to sabhii Khvaab the rezaa-rezaa
    jaise uDate huye auraaq-e-pareshaaN jaanaa

    [rezaa-rezaa=piece by piece; auraaq-e-pareshaa.N=strewn pages of a book]

    Last edited by sabeeh shah; 23-09-2008 at 02:08 PM.
    tum nay to pher b seekh liye zamne ki chal chalen faraz
    hum to kuch b na ker sake mohbaat k siwa

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •