Sunte hain naya saal he logo
Shehar phir bhi bad-haal he logo
Ik ajnabi gham ki tasveer he dil main
Zeesat anjane khof se paimal he logo
Khalqat-e-shehar ne ameer-e-shehar jis ko mana
Zarb-e-kaari se wo nidhal he logo
Khwahishoun ki uftaad aa pari he
Zindagi bas ik janjaal he logo
Khane ko roti, tan pe kapra nahi
Ye kesa naya saal he logo

Magar me mayoos nahin, be-qarar nahi
Shab-e-gham se teera-o-taar nahi

Meri rag rag me ye watan basa he
Mera ang ang ye gawahi deta he
Mere khoon mein wo shaula ubal raha he jo
Sab kuch apna is zameen'n pe war deta he

Ao aj phir se hum ye ehad karain
Jo kar na sake wo ab karain ge
Nasha-e-zarr mein jo madhosh they hum
Uthain ge aur uth ke rahain ge

Bas ye dua he nae saal pe meri
Mera mulak sada shaad baad rahe
Main rahun na rahun, raza he teri
Ae mere Malik mera Pakistan abad rahe.


(Muhammad Bilal Azam)