Results 1 to 3 of 3

Thread: ~*~ Kal Aur Ajj ~*~

  1. #1
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1180
    Rep Power
    21474971

    candel ~*~ Kal Aur Ajj ~*~

    go mera haafzaa itnaa acha nahi
    laikin bachpan aur larakpan kee bohat saari xbaatein mujhay bohat achi tarha yaad hain
    ghar kee veraani aur akaylaypan say ghabraa kar darwaazay mein aa kar baithna aur gali mein aatay jaatay log'oan kay chehray takna bohat sukh dayta thaa
    aaj bhi jab bohat akayla ho jaata hoan to ghar kay darwaazay mein aa baith'ta hoan
    aatay jaatay log'oan kay chehray bhi takta hoan
    laikin bay'chainee aur berh jaati hai...
    yeh to yaad nahi keh mujhay ous say mohabbat kab hoee?
    albatta yeh baat mein baray wasooq say keh sakta hoan keh mujhay mohabbat ka sha'oore aanay say pehlay xmohabbat ho chuki thee
    aaj bhi meri aankh'oan kay saamnay hai...
    apnay apnay baroan kee nazr'oan say chup kar sardi'yoan kee lambi lambi raat'ain sehen mein baithay baithay aur baat'ain kartay guzaar kar dayna...
    aik doosray ko apni apni sahhailiyoan aur dost'oan kee baat'ain aur sharaarat'oan kay qissay sunaa'na...
    bahaanay bahaanay say aik doosray kay haath'oan say khailna, laraa'ee jahgraa karna aur kisi kay bhi haar jaanay per khilkhilaa kar hans dayna ... goya mamool thaa...

    yeh maamool ab bhi barqaraar hai laikin kutch tabdeeliyoan kay saath
    ab na to kisi say chupna perta hai aur na darna...
    jab bhi sermaa kee lambi raat'ain aati hain
    sehen mien baithaa ghantoan apnay aap say baat'ain karta rehta hoan
    bay'ikhtiyaari mein apnay hee haath'oan kee ungliyaan maroortaa kahin goum ho jaata hoan x......
    aur phir chonk uth'ta hoan
    jab aankh'oan mein garam garam nammi phailti hai aur rukhsaar bheeg jaatay hain
    aisay mein daanistaa aur zabardasti hans'nay kee koshish kitni nakaam aur kitni khookhali hoti hai...
    meray illawa kisi aur kee samajh mein aana mushkil hai...

    aik hee sheher mein rehtay thay to hazaar naraazgi kay baawajood aksar sarr-e-raah mulaaqaat ho jati
    aur apni apni anaa'oan kee parwaah keeay baghair aapas mein bole partay
    laikin ab to aik muddat hoee...
    pehlay ous nay sheher badlaa aur phir mein nay....
    jab kabhi udaasi hadd say berh jaati hai to deewaana'waar ghar say nikal perta hoan
    magar subha say shaam tak masroofe aur bharray purray raastoan kee khaak chaan kar jab wapis loat'taa hoan to
    khali pann mazeed berh jaata hai aur udaasi kutch aur siwa ho jaati hai...

    pehlay jis cheeze kay leeay bhi dil chahta thaa... chaahay kitni bhi qeemti ya anmol hoti... haasil kar liya karta thaa....
    kabhi zidd kar kay aur kabhi khaana naa khaanay kee dhamki day kar... aur phir fakhar kia karta....
    mizaaj mein hatt'dharmi aur zidd to ab bhi waisee hee hai laikin haat'dharmi sehnay aur zidd maan'nay wala koi nahi
    dhamki bhi day sakta hoan... laikin dhamki mein aanay wala koi nahi...
    is kay baa'wajood jo kutch bhi chaaha hai jesay taisay haasil kia hai ... aur dunya kee bay'shumaar naimat'ain muyassar hain
    magar woh lamhay jo beet ga'ay...
    aur woh waqt jo guzar gaya...
    kahan say laa'aon aur kis say maangoan!!!
    Last edited by DaNgErOuS tEaRs; 01-09-2012 at 11:00 PM.

  2. #2
    Join Date
    Feb 2008
    Posts
    6,287
    Mentioned
    0 Post(s)
    Tagged
    337 Thread(s)
    Thanked
    3
    Rep Power
    21474852

    Default Re: ~*~ Kal Aur Ajj ~*~

    bht hi khoob hy ..../ rose1

    kis ki threer hy Aapo

  3. #3
    Join Date
    Mar 2008
    Location
    Hijr
    Posts
    152,763
    Mentioned
    104 Post(s)
    Tagged
    8577 Thread(s)
    Thanked
    80
    Rep Power
    21474998

    Default Re: ~*~ Kal Aur Ajj ~*~

    Nice Jee

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •