Sharafat Soz Tasveeron Ki Uryani Nahi Jati

Adab Ki Aar Mein Targheeb-e-Roomani ...Nahi Jati

Khuda Maloom Nasl-e-Noh Ka Kya Anjam Hona Hai?

Watan Se Fahash Naghmon Ki Farawani Nahi Jati

Azaab Aaye To Us Mein Senkron Ki
Jaan Jati Hai

Nahi Jati To Shetanon Ki Shetani Nahi Jati

Kaheen Basti Ki Basti Boond Paani Ko Tarasti Hai

Kaheen Baarish Barasti Hai To Tughyani Nahi Jati

Jahan K Zarray Zarray Se Numaya Hai Jalal Uska

Magar Hum Se Khuda Ki Zaat Pehchani Nahi Jati

Zamana Is Qadar Qaayal Hua Hai FAIZ Jhooton Ka

Jo Sach Kehtay Hain Unki Ek Bhi Maani Nahi Jati..!