لاہور…پنجاب اسمبلي نے بہاولپورصوبہ کي بحالي اور جنوبي پنجاب صوبہ کي تشکيل کي قرار داديں متفقہ منظور کر لي ہيں.صوبہ بہاولپور کي بحالي اور جنوبي پنجاب صوبہ کي تشکيل کے لئے قرارداديں پنجاب کے وزيرقانون رانا ثناء اللہ نے باري باري پيش کيں، قرار دادوں ميں رانا ثناء اللہ نے مطالبہ کيا کہ صوبہ بہاولپور کي تاريخي اور جغرافيائي حيثيت کو بحال کيا جائے اور جنوبي پنجاب صوبہ تشکيل ديا جائے.انہوں نے نئے صوبوں کي تشکيل کے لئے قومي کميشن کے قيام کا بھي مطالبہ کيا،حکومتي اور اپوزيشن ارکان نے متفقہ طور پر دونوں قراردادوں کي منظوري دے دي. اپوزيشن ليڈر راجا رياض احمدنے صوبہ جنوبي پنجاب اور صوبہ بہاولپورکي قرار داديں الگ الگ پيش کرنے پر احتجاج کيا اور کہا کہ بزنس ايڈوائزري کميٹي ميں طے پايا تھا کہ دونوں قرار داديں اکٹھي لائي جائيں گي،تاہم راجا رياض، مسلم ليگ ق کے چوہدري ظہيرالدين،ايم ايم اے کے علي حيدر نور نيازي اور فنکشنل ليگ کے مخدوم احمد محمود نے پنجاب ميں دو نئے صوبوں کي تشکيل کو خوش آئندہ قرار ديا ہے.