Results 1 to 4 of 4

Thread: کچھ احوال ڈاکٹرز کا

  1. #1
    Join Date
    Jun 2012
    Location
    UK Rusholme
    Posts
    191
    Mentioned
    0 Post(s)
    Tagged
    35 Thread(s)
    Thanked
    0
    Rep Power
    6

    Default کچھ احوال ڈاکٹرز کا

    کچھ احوال ڈاکٹرز کا


    401952 YoungDoctorsAssociationYDAINP 1341150075 941 640x480 - کچھ احوال ڈاکٹرز کا

    کمہار پر بس نا چلا تو گدھے کے کان اینٹھ دیے۔

    ڈگیا کھوتی توں تے غصہ کمہیار تے۔

    بندر کی بلا طویلے کے سر۔

    بھینسوں کی لڑائی میں گھاس کا نقصان۔


    مجھے نہیں معلوم کہ پنجاب میں جونئیر ڈاکٹروں کی پندرہ روز سے جاری ہڑتال پر ان میں سے کون سا محاورہ چست بیٹھتا ہے لیکن انا پرست حکومتِ پنجاب اور ہوشیلے کم جوشیلے زیادہ ڈاکٹروں نے ایک دوسرے سے جو سینگ پھنسائے ہیں انکی نوکیں صرف مریضوں کو چبھ رہی ہیں۔

    صوبائی حکومت اصول کا نیزہ اٹھائے کھڑی ہے اور نوجوان ڈاکٹر حق کی تلوار سونتے ہوئے ہیں مگر شہادت مریض کے حصے میں آ رہی ہے۔

    جب سے پنجاب میں شہبازی حکومت آئی ہے صحت کا شعبہ ممولہ بن گیا ہے۔کبھی ڈینگی مچھر یلغار کرتا ہے تو کبھی جعلی ادویات کا اژدھا دل کے مریض نگل جاتا ہے تو کبھی اسپتال میں بجلی کا شارٹ سرکٹ نوزائدہ بچوں کو بار بی کیو بنا دیتا ہے۔کبھی نرسیں مال روڈ پر ڈنڈے کھاتی ہیں تو کبھی جونئیر ڈاکٹرخدمتِ انسانیت کے حلف نامے کو زمین پر بچھا کے اسی پر بیٹھ جاتے ہیں۔

    کان سیدھا پکڑیں کہ گھما کے ، ہاتھ میں بیمار کا کان ہی آتا ہے۔ ڈاکٹروں کا سروس اسٹرکچر بھی سیدھا نہیں ہورہا اور مریض کا اسٹرکچر بھی اوندھا پڑا ہے۔

    جونئیر ڈاکٹرز اور حکومتِ پنجاب کی طرح مجھے بھی دکھی انسانیت سے کوئی دلچسپی نہیں لیکن ایک سوال ضرور کلبلا رہا ہے۔یعنی اگر قسمت شریف برادران پر اتنی مہربان نہ ہوتی اور انہیں کسی ہڑتالی او پی ڈی کی لائن میں لگنا پڑ جاتا تو پھر ان کا اصولی موقف کیا ہوتا ؟

    اگر اپنا پیٹ کاٹ کر ڈاکٹر کو ڈاکٹر بنانے والے والدین نہ ہوتے اور یہ ڈاکٹر کے بجائے صرف ایک معمولی کارکن ہوتے اور بیمار ہوجاتے اور کوئی او پی ڈی ڈاکٹر انہیں دیکھنے سے انکار کردیتا تو پھر اس ڈاکٹر کے گلے میں وہ کتنے ہار ڈالتے ؟

    تو کیا پنجاب کے جونئیر ڈاکٹر کو خیبر پختون خواہ ، سندھ اور بلوچستان کے جونئیر ڈاکٹرسے بھی کم تنخواہ اور مراعات مل رہی ہیں، یا باقی صوبائی حکومتیں کم ظالم ہیں ، یا ان صوبوں کے ڈاکٹروں کو اپنے حقوق کا شعور نہیں ، یا وہ پنجاب کے بہادر ڈاکٹروں کے مقابلے میں بزدل ہیں ؟

    مگر اس پورے کھیل میں پاکستان میڈیکل ایسوسی ایشن کے بزرگ کہاں ہیں ؟ کیا انہوں نے ینگ ڈاکٹرز ایسوسی ایشن کے پیچھے پناہ لے رکھی ہے یا ینگ ڈاکٹرز ان کے قابو سے بھی باہر ہیں ؟

    ہاں ! میں ڈاکٹروں کی جدوجہد میں شانہ بشانہ نعرے لگانا چاہتا ہوں۔اگر کوئی یہ بتا دے کہ ڈاکٹری حقوق کی علمبردار تنظیموں نے اپنے کتنے ارکان کو آج تک پیشہ ورانہ غفلت اور بقراطی حلف ( ہپوکریٹک اوتھ ) پامال کرنے کے الزام میں تنظیم سے نکالا ، یا انکی گوشمالی کی ، یا غفلت کا ہرجانہ بھروایا ؟ کتنے ڈاکٹر دوا ساز کمپنیوں کے دیے گئے قلم میں صرف ضمیر کی روشنائی بھر کے مسیحائی تجویز کرتے ہیں ؟ کتنے ڈاکٹر بلاجیب مریضوں کو بھی اسی جذبے سے دیکھتے ہیں جس زوق و شوق سے جیب دار مریضوں کی طرف دیکھتے ہیں ؟

    ہاں ! میں حکومتِ پنجاب کے موقف کی حمایت میں دھڑلے سے لکھنا چاہتا ہوں اگر صرف یہ بتا دے کہ سستی روٹی کے تندور میں جھونکے جانے والے اربوں روپے موجودہ سرکاری سکولوں کو دانش سکول اور سرکاری اسپتالوں کو دانش اسپتال بنانے پر بھی تو لگ سکتے تھے۔۔۔اگر پولیس اور صوبائی بیوروکریسی کی تنخواہوں اور مراعات میں بہانے بہانے اضافہ ہوسکتا تھا تو ڈاکٹروں اور نیم طبی عملے نے کونسی بکری چرا لی تھی ؟

    مگر حکومت ہو کہ ڈاکٹر ، کوئی یہ سامنے کی بات آخر کیوں سمجھے کہ صرف حقوق ہی اہم نہیں ہوتے ، فرائض بھی ذرا سے اہم ہوتے ہیں۔۔۔

    ایسی باتیں سمجھنے کے لیے گریبان ضروری ہے اور آج کل گریبان کا فیشن کہاں ؟؟ آپ تو جانتے ہی ہیں

  2. #2
    Join Date
    Feb 2008
    Location
    Islamabad, UK
    Posts
    88,507
    Mentioned
    1031 Post(s)
    Tagged
    9706 Thread(s)
    Thanked
    603
    Rep Power
    21474934

    Default Re: کچھ احوال ڈاکٹرز کا

    hmm well said

    jahan tak doctors ki baat hai akhir yeh hartal kiun karke bethe hain kaal parso akhbar mai inki pay ae thi jo k achi khasi hai ... aaj tu news mai balochistan mai b start hogai hai young doctors ki hartal akhir inko chahe kia hai?

  3. #3
    Join Date
    Jun 2012
    Location
    UK Rusholme
    Posts
    191
    Mentioned
    0 Post(s)
    Tagged
    35 Thread(s)
    Thanked
    0
    Rep Power
    6

    Default Re: کچھ احوال ڈاکٹرز کا

    sheen you are so intelligent apko tu budget yan pak policies bana ni chyin honestly
    inko kya chyii ye tu app btyin kya samjh ata hay?

  4. #4
    Join Date
    May 2010
    Location
    *!~ In EmoTiOns~!*
    Posts
    1,615
    Mentioned
    3 Post(s)
    Tagged
    220 Thread(s)
    Thanked
    1
    Rep Power
    0

    Default Re: کچھ احوال ڈاکٹرز کا

    thanks for sharing

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •