Woh raahain

Woh raahain jaani pehchani
jo hum se ub hain anjani
Un raahon main hain umeedein
Jub wahan swera hota hay
Kuch phool wafa kay khiltey hain
Aur raahon ko mehkaatey hain
Jub shaam wahan par hoti hay
Dhaltey huee shaam kay saaye ki
Har dua hamarey naam hoti hay
Jub raat wahan par hoti hai
jugnoo jhilmilaatey hain
teri aur meri dosti k geet gatay hain
Sochti hoon woh rastey hum dono ko
kion nahee bhool paatey hain
aao mil kr kisi din
un raahon par hum jaatey hain
wahan par khawb jitnay hain
un ki raakh uraa daalain gay
ya tum kaho gay toh
un ko hum takmeel kr daalain gay
jo tum kaho gay wohi krein gay
jo tum kaho gay toh hum rukain gay
jo tum kaho gay toh hum chalain gay


ARMAGHAN KHAN