Results 1 to 2 of 2

Thread: میں مدت بعد آیا تھا

  1. #1
    *jamshed*'s Avatar
    *jamshed* is offline کچھ یادیں ،کچھ باتیں
    Join Date
    Oct 2010
    Location
    every heart
    Posts
    14,586
    Mentioned
    138 Post(s)
    Tagged
    8346 Thread(s)
    Thanked
    4
    Rep Power
    21474858

    Default میں مدت بعد آیا تھا

    میں مدت بعد آیا تھا

    مرے گاوں میں میرے گھر کے دروازے پہ
    جو تالا لگا تھا
    گلی کی گرد سے مرجھا گیا تھا
    مکاں کے باہری دیوار کی کچھ جالیوں میں
    مکڑیوں نے گھر بنائے تھے
    اسی دیوار پہ بچے گھروں کو لوٹ کر جاتے ہوئے
    کچھ لکھ کے جاتے تھے
    میں اس تحریر کو پانی سے اکثر دھو کے سوتا تھا
    کبھی کچھ پڑھ کے ہنستا تھا
    کبھی ناراض ہوتا تھا
    مگر وہ لفظ
    اب اک دوسرے میں اسطرح پیوست ہیں جیسے
    لکیروں کا کوئی گچھا
    جہاں تک ہاتھ جاتا تھا انہیں معصوم بچوں کا
    وہاں کچھ اور لکھنے کے لیے دیوار پر
    کوئی جگہ نہ تھی
    وہی کمرے وہی نقشہ وہی ساماں
    جنہیں اب کے ہوا کے تیز جھونکوں میں
    چھپی کچھ گرد نے دھندلا دیا ہے
    کئی سالوں کی بارش نے
    ہر اک دیوار پر کچھ سیاہ رنگ کے بد نما سے داغ چھوڑے ہیں
    مکاں کی آخری دیوار سے جو سیڑھیاں ہیں
    چھت کو جاتی ہیں
    مگر ان سیڑھیوں پر
    اب گزشتہ سال کے طوفان نے
    گاوں کے بوڑھے پیڑ سے لا کر
    بہت سی ٹہنیوں اور گھونسلوں کی کرچیوں کو باندھ رکھا ہے
    مکاں کی اوپری منزل کو میں نے خود بنایا ہے
    وہاں بس ایک کمرہ ہے
    جہاں ہم گرمیوں کی بارشوں میں لیٹ جاتے تھے
    وگرنہ چھت پہ سوتے تھے
    میں جس کمرے میں سوتا تھا
    وہاں پر آج بھی بستر لگا ہے
    وہی تکیہ، وہی چادر، وہی سلوٹ
    جو میں نے آخری کروٹ لیے اس پر بنائی تھی
    وہی بادِ صبا کی قید بُو تھی
    کہ جس نے مدتوں پہلے مجھے آ کر جگایا تھا
    مرے مہمان خانے کے سبھی تکیے اسی ترتیب میں تھے
    مگر پردوں کی حالت وہ نہیں تھی
    مسلسل دھوپ پڑنے سے دو رنگے ہو چکے تھے
    مرے بچپن کی یادیں اور ادھورے خواب سارے
    اب مرے آنگن کے کونوں میں چھپے
    کچھ اسطرح سے دیکھتے ہیں آج
    وہ جیسے نہیں مانوس اب مجھ سے
    کہ جیسے حسن کی مورت
    کسی اک اجنبی کو دیکھ کر چہرہ چھپاتی ہے
    مجھے کچھ یاد پڑتا ہے
    کہ میں نے ہجر سے پہلے
    مرے بھائی کے بستر کے تلے سکہ چھپایا تھا
    وہ سکہ آج بھی اس جا پڑا ہے ‬

  2. #2
    Join Date
    Feb 2009
    Location
    City Of Light
    Posts
    26,767
    Mentioned
    144 Post(s)
    Tagged
    10310 Thread(s)
    Thanked
    5
    Rep Power
    21474871

    Default Re: میں مدت بعد آیا تھا




    3297731y763i7owcz zps9ed156a3 - میں مدت بعد آیا تھا

    MAY OUR COUNTRY PROGRESS IN EVERYWHERE AND IN EVERYTHING SO THAT THE WHOLE WORLD SHOULD HAVE PROUD ON US
    PAKISTAN ZINDABAD











Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •