Results 1 to 1 of 1

Thread: Ya Allah Tera Lakh Lakh Shukar Hai

  1. #1
    Join Date
    Mar 2008
    Location
    Hijr
    Posts
    152,763
    Mentioned
    104 Post(s)
    Tagged
    8577 Thread(s)
    Thanked
    80
    Rep Power
    21474998

    candel Ya Allah Tera Lakh Lakh Shukar Hai

    1 shakhs ne behtar ghar kharidne ke liye apna pehlay wala ghar bechna chaha. . is maqsad ke liye woh apne aik aisay dost ke paas gaya jo jaedad ki khareed o farokht mein achi shohrat rakhta tha. .
    is shakhs ne apne dost ko mudda sunanay ke baad kaha ke woh is ke liye ghar baraye farokht ka aik ishtihar likh day. .
    is ka dost iss ghar ko bohat hi achi terhan se jaanta tha. . ishtihar ki tehreer mein uss ne ghar ke mehal wuqoo' raqbay' design' tamirati mawaad' baghiche' swimming pol samait har khoobi ka tafseel ke sath zikar kya. .
    elaan mukammal honay par uss ne apne dost ko yeh ishtihar parh kar sunaya taakay tehreer par usakee raye le sakay. . ishtihar ki tehreer sun kar uss shakhs ne kaha. .' baraye meharbani is ishtihar ko zara dobarah parhna. . '
    uss ke dost ne ishtihar dobarah parh kar suna diya. . ishtihar ki tehreer ko dobarah sun ko yeh shakhs taqreeban cheekh hi para. .' kya mein aisay shandaar ghar mein rehta hon. .? aur mein saari zindagi aik aisay ghar ke khawab daikhta raha jis mein kuch aisi hi khoobiyan hon magar yeh kabhi khayaal hi nahi aaya ke mein to reh hi aisay ghar mein raha hon jis ki aisi khoobiyan tum bayan kar rahay ho. .
    meharbani kar ke is ishtihar ko zaya kar do. . mera ghar bikao hi nahi hai. . '
    aik minute thehriye. . mazmoon abhi poora nahi howa. .
    aik bohat purani kahawat hai ke Allah taala ne jo kuch naematain tumhe di hain un ko aik kaghaz par likhna shuru kar do. . yaqeenan is likhai ke baad tumhari zindagi aur ziyada khush o Khurram ho jaye gi. .
    asal mein hum Allah taala ka shukar karna hi bhulae baithy hain kyun ke jo kuch barkaten aur naematain hum par baras rahi hain hum unn ko ginna hi nahi chahtay. . hum to sirf apni gani chuni chand pareshaaniya ya kami aur kotahyan dekhte hain aur barkatoon aur nematon ko bhool jatay hain. .
    ' mein apne nangay peeron ko dekh kar kurhhta raha. . phir aik aisay shakhs ko dekha jis ke paon hi nahi thay to shukar ke sath Allah ke samnay sjday mein gir gaya. . '

    ab aap se sawal. .
    kitney aisay log hain jo aap jaisa ghar' gaari' telephone' taleemi sanad' nokari waghera waghera waghera ki khwahish karte hain. .
    kitney aisay log hain jab aap apni gaari par sawaar ja rahay hotay ho to woh sarrak par nangay paon ya paidal ja rahay hotay hain. .
    kitney aisay log hain jin ke sir par chhat nahi hoti jab aap apne ghar mein mehfooz aaraam se so rahay hotay hain. .
    kitney aisay log hain jo ilm haasil karna chahtay thay aur na kar sakay. . aur aap ke paas taleem ki sanad mojood hai. .
    kitney be rozgaar shakhs hain jo faqa kashi karte hain aur aap ke paas mulazmat aur mansab mojood hai. .
    hazaron baatein likhi aur kahi ja sakti hain. .
    kya khayaal hai. . abhi bhi Allah ki nematon ke aitraaf aur unkaa shukar ada karne ka waqt nahi aaya ke hum keh den. .
    ' ya Allah tera laakh laakh shukar hai. . mein nadaan hon' mujhe maaf kar day. .! !
    Last edited by Sachii Dosti; 07-12-2014 at 10:42 PM.
    پھر یوں ہوا کے درد مجھے راس آ گیا

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •