Results 1 to 3 of 3

Thread: Kabhi Socha Hai

  1. #1
    Join Date
    Mar 2008
    Location
    Hijr
    Posts
    152,763
    Mentioned
    104 Post(s)
    Tagged
    8577 Thread(s)
    Thanked
    80
    Rep Power
    21474998

    candel Kabhi Socha Hai

    Kabhi socha hai
    .. .. .. .. garmiyon ki choti raton mein jab subah chaar siwa chaar bujey azaan hoti hai to kabhi socha ke yeh azaan kis ne di hogi? sard thatharti raton mein jab saaray kambal lapete parre hotay hain aisay mein rozana Allah akbar ki sada gunjti hai aur rozana aik muqarara waqt par gunjti hai. kabhi khayaal aaya yeh kon hai jo itna punctual hai? din mein paanch martaba muqarara waqt par yeh azaan kon deta hai? kabhi do minute der nahi hoti. din mein paanch martaba saaf suthray kapray pehan kar ghari ke alarm ki terhan accurate timing rakhnay wala shakhs agay barh kar masjid ka musala sambhaal laita hai. azaan aur namaz ki waqt par adaigi, masjid ki safai suthrayi, intizam. woh masjid jahan din mein paanch martaba senkron log atay hain phir bhi har martaba saaf millti hai, safen durust hoti hain, sardiyoon mein andar ka hall aur garmiyon mein sehan mein safoon ka intizam, wuzu khanaay aur wash rooms ki safai ka ihtimaam aur intizam o insaram, yeh sab kon karta hai? yeh sab itni khamoshi aur aasani aur munazzam andaaz mein kaisay hojata hai. kabhi socha aap ne ?



    media par un ko mula keh kar un ki kirdaar kashi, har aafat ka zimmay daar unhi ko thehraya jata hai. qoum ki taraqqi mein rukawat un ko qarar diya jata hai .
    hamaray haan shadi mein 300 afraad ne aana ho to kitney din pehlay se intizam shuru hojata hai? shadi ke kitney din baad tak sametna parta hai? masjid mein to rozana paanch waqt senkron log atay hain. wuzu khanaay ka pani aur wash rooms ki tontiyan aur lootay tak sab mojood aur durust haalat mein mlitay hain. yeh sab kya hai? kaisay hojata hai? nah shore shrabha nah dikhawa. agar namaz late hojaye, imam ko der hojaye, azaan mein takheer hojaye, Fajar mein masjid madrassa ka darwaaza der se khulay to hum kaisi kaisi baatein sunaate hain is be chaaray imam ko, mauzan ko, khadim ko aur yeh sab khamoshi aur Khanda peshani se suntay, sahte aur muskuratay hain aur khamoshi se khidmat mein lagey rehtay hain. nah ehtijaj, nah hartaal, nah dharna aur phir aik din haq goi ki Padaash mein kabhi masjid madrassa mein ghis kar aur kabhi kisi shahrah par inhen golion se bhuvan diya jata hai. hum janaza parh kar makaan khaali kerwatay hain un ki family se aur phir naya imam, mauzan aur khadim rakh letay hain. phir naya imam, naya mauzan, naya khadim aakar isi khidmat mein lag jata hai. kya khayaal hai? yeh log kabhi bemaar nahi hotay? un ke bachay bemaar nahi hotay? har namaz mein saaf suthray hokar hanstay muskuratay hue poooray dheyaan aur tawajah se namaz ka padhana. rak-at pehli hai ya doosri, doosri hai ya phir chothi yeh sab yaad rakhtay hue namaz padhana. halaank hamara apna dheyaan kahan hota hai aur hum khud namaz kitni tawajah se parhte hain yeh sab, hum sab achi terhan jantay hain. logon ke nikah, un ke janazay, mardon ke liye tasalsul se duayen, behas karne walon ke jawab mein muskurana. yeh sab aasaan hai kya ?



    kabhi socha ke Aima masajid se kaisay kaisay log kis kis qisam ke sawalaat kis kis andaaz mein karte hain? yeh sab karkay bhi media par un ko mulla keh kar un ki kirdaar kashi, har aafat ka zimmay daar unhi ko thehraya jata hai. qoum ki taraqqi mein rukawat un ko qarar diya jata hai. un ka wazifa muashray ke har tabqay se kam, kaam muashray ke har fard se ziyada, maheena, saal nahi balkay zindagi bhar koi chhutti nahi. jummay ke din to un ki zimma daari aur bhi barh jati hai. kaam barh jata hai phir bhi sab un se hi naraaz rehtay hain. eid ke din sab ki chhutti hoti hai aur yeh paanch ke bajaye chay namazain parhatay hain. din ke gayarah bujey tak aydgah ka samaan samaitt kar masjid mein pohncha kr hanstaa kheltaa Zohar ki namaz ke liye phir se kon aan khara hota hai. is khidmat par to hum sab ki gardanein un ke samnay adab aur aqeedat se jhuki rehni chahiye aur kabhi un ke samnay hamari aawaz tak onche nahi honi chahiye, lekin jo ho raha hai woh hum sab ke samnay hai. Allah ka vaastaa hai musalmano! kuch to insaaf karo apne ulama se, apne Aima aur apne mauzan aur apni masjid ke khadim se .



    ( tehreer Abdul Rehman Madni )
    Last edited by Sachii Dosti; 09-12-2014 at 11:28 PM.
    پھر یوں ہوا کے درد مجھے راس آ گیا

  2. #2
    Join Date
    Dec 2009
    Location
    SAb Kya Dil Mein
    Posts
    11,928
    Mentioned
    79 Post(s)
    Tagged
    2306 Thread(s)
    Thanked
    24
    Rep Power
    21474855

    Default

    bu - Kabhi Socha Hai


  3. #3
    Join Date
    Mar 2008
    Location
    Hijr
    Posts
    152,763
    Mentioned
    104 Post(s)
    Tagged
    8577 Thread(s)
    Thanked
    80
    Rep Power
    21474998

    Default

    Shukriya
    پھر یوں ہوا کے درد مجھے راس آ گیا

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •