Results 1 to 2 of 2

Thread: tum meri ankh k tewar na bhula paoge

  1. #1
    Join Date
    Dec 2014
    Location
    soudi arab makkah
    Age
    30
    Posts
    599
    Mentioned
    1 Post(s)
    Tagged
    92 Thread(s)
    Thanked
    14
    Rep Power
    214753

    Default tum meri ankh k tewar na bhula paoge

    tum meri ankh k tewar na bhula paoge
    ankahi bat ko samjhoge to yad aunga

    ham ne khushyon ki tarah dukh bhi ikathe dekhe
    safah-e-zist ko paltoge to yad aunga

    isi andaz mein hote the mukhatib mujh se
    khat kisi aur ko likhoge to yad aunga

    sard raton k mahkate hue sannaton mein
    jab kisi phul ko chumoge to yad aunga

    ab tere ashk main honthon se chura leta hun
    hath se khud inhen ponchoge to yad aunga

    shal pahnayega ab kaun decembar mein tumhen
    barishon mein kabhi bhigo ge to yad aunga

    aj tum mahfil-e-yaran pe ho magrur bahut
    jab kabhi tut k bikhroge to yad aunga

    hadse ayenge jiwan mein to tum ho k nidhal
    kisi diwar ko thamoge to yad aunga

    is mein shamil hai meri bakht ki tariki bhi
    tum siyah rang jo pahnoge to yad aunga


  2. #2
    Join Date
    Dec 2009
    Location
    SAb Kya Dil Mein
    Posts
    11,928
    Mentioned
    79 Post(s)
    Tagged
    2306 Thread(s)
    Thanked
    24
    Rep Power
    21474855

    Default

    zabardast


Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •