Britain to Take Thousands More Syrian Refugees
21144183085 2f64a932ee b - Britain to Take Thousands Syrian Refugees


برطانیہ سمیت کئی ملکوں نے شامی پناہ گزینوں پر اپنے دروازے کھول دئیے


لندن: شامی پناہ گزین بچےایلان کی موت ہم وطنوں کےلیےزندگی کاپیغام بن گئی اور برطانیہ سمیت کئی یورپی ملکوں نے شامی پناہ گزینوں کیلئے اپنے دروازے کھول دئیے ہیں۔
image - Britain to Take Thousands Syrian Refugees
تفصیلات کے مطابق برطانیہ نےشامی تارکین وطن کیلئے اپنے دروازے کھول دئیے ہیں۔ برطانوی وزیراعظم ڈیوڈ کیمرون نے کہا ہے کہ ہزاروں شامی تارکین برطانیہ آکرپناہ گزین کیمپوں میں رہ سکتے ہیں۔

برطانوی وزیر اعظم نے ابھی یہ اعلان نہیں کیا کہ برطانیہ شام سے آنے والے کتنے پناہ گزینوں کی مہمانداری کرے گا، انکا کہنا تھا کہ صحیح تعداد کا اعلان آئندہ ہفتے تک کیا جاسکتا ہے۔
image - Britain to Take Thousands Syrian Refugees
جرمنی نے بھی بڑی تعداد میں شامی پناہ گزینوں کو اپنی سرزمین پر پناہ دینے کے لئے آمادگی ظاہر کردی ہے۔

تاہم کئی یورپی ممالک شامی پناگزینوں کو پناہ دینے کے لئے تیارنہیں ہیں بلکہ ہنگری کے وزیراعظم یہاں تک کہہ چکے ہیں کہ مسلمان پناہ گزینوں سے یورپی براعظم کی عیسائی آبادیوں کو خطرہ ہے لہذا وہ اپنے ملک میں بڑی تعداد میں مسلمان نہیں چاہتے۔
image - Britain to Take Thousands Syrian Refugees
دوسری جانب مصر کے تاجر نے شامی مہاجرین کیلئے جزیرہ خریدنے کا اعلان کردیا ہے۔ نقیب سوارس نے اٹلی اور یونان سے جزیرہ فروخت کرنے کی درخواست کی ہے جہاں مہاجرین نئی زندگی بسرکرسکیں گے۔