Results 1 to 2 of 2

Thread: Parindon Ki guftagoo

  1. #1
    Join Date
    Jul 2008
    Location
    Izloooo00oo
    Age
    34
    Posts
    2,031
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    0

    Default Parindon Ki guftagoo


    6i5kio - Parindon Ki guftagoo

    parindoN kii guftugu
    ay suno !........... ......... ..

    humaara kaunsii dunya meiN abb baseraa hai
    jahaaN peh chhaaya huwa har taraf andheraa hai

    na rishta daariyaaN insaaN nibhaa rahaa hai kaheeN
    na zimadaariyaaN apnii uThaa rahaa hai kaheeN

    jise bhii dekho raah e faraar chaahta hai
    nigaah pher ke dil ka qaraar chaahta hai

    hai khud numaa'ee,har ikk shakhS meiN banaawaT hai
    freb o jhooT meiN kirdaar kii sajaawaT hai

    kaheeN peh zindagii ka qatl e aam jaaree hai
    kaheeN peh kaif o mastee suroor taarii hai

    kaheeN peh bhook hai aflaas hai tabaahee hai
    kaheeN peh ayesh hai,aur zeest tarz e shaahee hai

    kisii ko faKhr hai Khud ke kafeel hone ka
    kisee ko qalq hai kamtar zaleel hone ka

    kaheeN peh zindagii be aabroo sisaktee hai
    kaheen peh dekho tow Hayewaaniyat thiraktee hai

    chalo hum apnii na'ee dunya ko basaa'aiN ge
    aur apna aashiyaaN insaan se bachaa'aiN ge

    ajab urooj hai inn ka ajeeb pastii hai
    "khayaal" yeh dunya ! naheeN panchhiyoN kii bastii hai


    Poetry by
    Ismail ajaz khayaal



  2. #2
    Join Date
    Mar 2008
    Location
    Hijr
    Posts
    152,763
    Mentioned
    104 Post(s)
    Tagged
    8577 Thread(s)
    Thanked
    80
    Rep Power
    21474998

    Default Re: Parindon Ki guftagoo

    Very Nice

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •