View Poll Results: Cast Ur Votes

Voters
8. You may not vote on this poll
  • Question # 1

    1 12.50%
  • Question # 2

    1 12.50%
  • Question # 3

    0 0%
  • Question # 4

    0 0%
  • Question # 5

    3 37.50%
  • Question # 6

    2 25.00%
  • Question # 7

    1 12.50%
  • Question # 8

    0 0%
  • Question # 9

    0 0%
Page 1 of 3 123 LastLast
Results 1 to 10 of 23

Thread: Mere Jawab Tumharey Sawal ~ serious_thoughts

  1. #1
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    candel Mere Jawab Tumharey Sawal ~ serious_thoughts

    Asalam.o.Alaikum Janab

    Ap Sub Ki shirkat se "Mere Jawab Tumharey Sawal"ka silsila behad acha raha bhot achey sawalat or bhot ache jawabat "serious_thoughts" ne diye Thanku so much
    janab ab hogi in sawalon ko jawabon ki Polling..ap ko jo sawal ya jawab acha lagta hia isko vote dijeye bus apne kiye gaye sawal ko vote nahi karna

    Polling bus 2 din hogi yanee 16 April ko thread closed hojaye gi.

  2. #2
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 1

    naz


    Janey Ku App Ko Jab Bhi Dekha Mohabbat Kadah Main He Dekha...or Aj Tak Net Per Sirf App Ko He Aisa Dekha Jo Mohabbat K Bare Main Itna Sochta Hai...App Ki Shaksiyat or Baaton Ko Dekh Ker Yeh Andaza Hota Hai Ke Mohabbat Ka zaiqa App Bhi Chakh Chukey Hain...Mujhe App Se Pochna Yeh Hai K...Jab App Ko Mohabbat Hue Tu Is waqt App Ki Mohabbat K Liye Kiya Feelings Thi ?



    Answer


    Hum to jaantay hi na they ye pyar ishq aur muhabbat kis balah ka naam hai .. apni zindagi me magan shararaten kartey ghoomtey they.. wo zamana bhi ajab zamana tha jab hum bachay huya kartey they kisi qism ki koi pareshani aur zimme dari nahi thi.. Haan ye sach hai ke is teer ka shikar hum bhi huye hain lekin is zakhm ko aur paalney ka jazba umer ke saath sath barhta ja raha hai .. Sach kahun to muje nai malum hai ke mujhey muhabbat kab hui hai aur us waqt kya feelings theen kya jazbaat they.. Hum buhut chotey hua kartey they .. wo meri cousin hai.. bas hum sath khel kood kar hi baray huye hain to jitna muje yaad hai bas muje wo achi lagney lagi thi..kab se ye mai nahi jaanta shayad 8th grade me tha.. aur har wo kaam kya karta tha jo usey pasand ho ya wo karti ho misaal ke taur per.. wo ultey haath se karti hai har kaam aur me seedhey hath se karta tha .. practice kar karke me ne khud ko left handed banalya tha .. jo color jo mausam jo khushbu jo jagah even us ki pasand ki har cheez mai ne apnali aur wo meri pasand banti gayee... kuch saal guzrey hum thorey mature huye to undaza hua hai ye to muhabbat ki alamaat hain .. us ke baad se bas us ki khushi chahi hai me ne kisi bhi surat me.. zehen ki pukhtigi ke sath sath muhabbat ka jazba bhi barhta gaya yehi feelings theen aur hain aur inshaAllah barhen gi

    Aap ne actually itna mushkil sawaal kardya tha ke me khud pata nai behta hua kahan se kahan nikal gaya aur is sawal ke saath insaaf kar saka ke nahi .. nai jaanta.. feelings batana itna asaan hota to kya hi baat thi




  3. #3
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 2

    sheem

    App K Khayal Main
    Mohabbat K Kitne Marhale Hote Hain ?


    Answer

    Haan ji to answer ki taraf aatay hain.. Mere khayal me is sawaal ka jawab dena itna hi mushkil hai ke jaisey kisi samander se moti dhundna kionke Pyar Ishq Muhabbat ek behta samander hai jisey alfaz me bayaan karna almost na mumkin hai..

    yaad haiN marhale muhabbat ke...
    haaye ! us be-kalii meN kyaa kuch thaa
    (nasir kazmi)

    Mere nazdeek Muhabbat aankhon se shroo hoti hai aur dil se guzarti hui rug-o-pay me sama jaati hai..
    Pehla marhala Infatuation..Sab se pehley aap ko koi shakhs acha lagta hai, us ki baaten, us ki harkaten, us ki adaat, us ki khubyan to khubyan khaamiyan bhi achi lagney lagti hain.. is stage tak mai samajhta hun Muhabbat janam nahi leti is marhalay ko mai infatuation ka naam deta hun ..
    Dusra marhala Muhabbat ya Pyar.. Dheerey dheerey agar aap ki rooh bechain honey lagay, zindagi ka routine disturb ho, us ke saath se aap khush hotey hon aur doori se bechain, most of all aap us ke baaray me itna sochney lagain ke kabhi kisi ke baray me na socha ho aisa, us ki khushi me khush aur ghum me ghumgeen honey lagen, aap khud ko badalney lagain us ki khushi ki khatir.. yahan se muhabbat ka janam hota hai .. ye doosra marhala hai .. kuch log pehley per hi raah bhatak jatay hain ya muhabbat un ko nahi chunti... wahan se wapsi bhi buhut aasaan hai.. kuch log aagay barhkey muhabbat ka daman thamtay hain jahan se wapsi mushkil to hai takleef bhi hoti hai lekin recoverable hai wo alag baat hai jis ne sachi muhabbat ki wo bhulta nahi... mai personally is jazbay ko salaam karta hun kionke is mai sirf dusrey ki khushi matter karti hai wo khush to aap khush..
    Teesra aur aakhri marhala Ishq.. Kuch log muhabbat ke marhalay ko tay karke ishq ki chokhat per dastak detey hain jo ke mai samajhta hun teesra aur aakhri marhala hai aur sab se intensed aur hassaas marhala hai .. ek tarhan se us shakhs ke lye ya jis se wo pyar karta hai dangerous bhi hai ye depend karta hai har ek individual per ke wo kaisey react hai.. bas is marhalay me aap kisi kaam ke nahi rehtey .. aap ko us ka saath chahiye hi chahiye hota hai warna zindagi be matlab lagti hai .. soch-e-hawaas per bas wohi shaamil rehta hai.. hatta ke aap apni family, apni values, apney religion aur apni zaat sab per usey foqiyat detey hain bas .. khud ko fana karney ka jazba bhi janam leta hai agar aap ko wo shakhs na mil sakay to.. Mujhe personally ikhtilaaf hai is jazbay se kionke jahan khud ko fana karney ki baat aati hai wahan sirf KHUDA ka tasawwur aata hai kisi ghair-e-Khuda ke lye fana honey se kufr ki boo aati hai.. Muhabbat to itna pyara paak aur pakeeza jazba hai ke is me extreme nahi honi chahiye...

    Ye mera personal opinion hai mujh se jab bhi jis ney bhi poocha kya farq hai pyar ishq muhabbat me ya kya marhalay hain.. mai nahi bata saka .. bas aaj likh daala jo sochta hun ... kahan tak sahi hai nahi malum.



  4. #4
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 3

    ~*Rano*~

    Ishq or muhbbat k baray main kaya sochtay ho?..kesay dono ko define kertay ho?....muhbbat sirf muhbbat kio nai hoti..us ko ishq ka naam kio day diya jata hai?...coz muhbbat main b insaan wohi sab kerta hai jo ishq main hota hai..pagalpan,muhbbat ki akhri had..ik insaan say bepanah chaht..her cheez ko bhool ker ik he insaan ko sochna...chahna..yeh b tu muhbbat he hoyi na..or ishq main b yahi sab hota hai...phir ishq muhbbat kio diff hain?or kaisay diff hain?



    Answer



    Aap ka sawal apni jagah bilkul durust hai aur baat ye hai ke ye shayad sab ka apna apna sochney ka nazarya bhi hai koi kisi cheez ko kuch naam deta hai koi kuch apne ilm-o-danish ya tajarbey ki bunyaad per.. for example.. kuch log pyar ishq muhabbat ko ek hi qaraar detey hain aur muje lagta hai aap bhi un me se ek hain aur jo ke koi ghalat baat nahi hai kionke jazba to ek hi hai bas shiddat ka farq hai.. kuch log ishq ko junoon ka naam bhi detey hain depend ye karta hai ke aap jo keh rahay hain us ke peechey jazbay ki shiddat kitni hai alfaz ya naamo se kya hota hai.. misaal ke taur per mai kehta hun muhabbat ek paak pakeeza haseen jazba hai jis me khud ko ya kisi ko nuqsaan pohunchanay ka banda soch bhi nahi sakta bas apney mehboob ki khushi hi chahiye hoti hai aur kuch bhi nahi is me haasil karney ki khuwahish ghalib nahi aati.. jabkay ishq me mai samajhta hun ek junooni kefiyat shamil hojati hai jo aap per haawi hojati hai wo muhabbat ke paak jazbay per ghalib aakar zidd per utar aati hai ke ab ye haasil karna hai warna fana hojana hai.. Basically mujhey jo lagta hai muhabbat aur ishq ko alag alag bayaan kya jata hai wo is lye kionke muhabbat me aap ko mehsoob ka haasil chahiye hota hai jabkey wohi cheez ishq me opposite ho kar aap ko apna haasil paaney ki tamanna per uksaati hai..
    Mai aksar kehta hun apney sathiyon se..

    Pyar kar pyar se baaz na aa...
    Bhool kar bhi ishq ke pas na ja...

    Tashnagi rah gayee ho to is muaafi kionke hum bhi abhi is raah ke musafir hi hain manzil nahi paai.


  5. #5
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 4


    Hijab


    mohabbat ki alamatein kia hein?
    Dil mein aik banda bas jaata hai, her waqat usay souchna, us ki baaton ko yaad kerna, us k anay ka intizar kerna, yeh tou aik had tak hein, i know.
    Dil mein kahi yeh baat chupi hue hoti hai k hamein is banday say mohabbat hai aur hum is baat ko accept bhi kertey hein..
    Mohabbat kay asal rang ko kaisay mehsos kiya jaata hai?
    Kab yaqeen ho jaata hai k yeh marobiyat,dil-lagi nahi balkay MOHABBAT hai?





    Answer



    Buhut khubsurat sawal kya hai aap ney ke Muhabbat ko kab pehchana jata hai ke haan hamay muhabbat ho gayee hai .. to is ka jawaab me apney personal experience se dena chahun ga ke jo mujhe mehsoos hua tha .. Bas mujhey ziada kuch idea nahi tha na hi is jazbay ki gehraai aur shaffafiyat se waaqfiyat thi ..Shroo shroo me bas koi shakhs aap ko acha lagna shroo hota hai us ke peechey kuch bhi wajah ho sakti hai us ki aadaten, us ki baaten ya physical appearance bhi matter karti hai.. Jahan tak achay lagnay ka sawaal hai to hamay zindagi me buhut se log miltey hain jo hamay achay bhi lagtay hain aur waqt guzarney ka dil chahta hai unke sath..lekin waqti dil lagi ya maarubiyat kisi ke sath hona ye muhabbat ki daleel nahi hai.. to sawaal ye hai ke aakhir kab undaza hota hai .. Jab aankhon se muaamla barhkey dil me utarney lagay wahan se muhabbat ka aaghaz hota hai jis me aap apni roz marra ki zindagi ke har hissey me us shakhs ko dekhtey hain aur mehsoos kartey hain.. Us shakhs ki khushi jab aap ki khushi ban jaye aur us ka ghum khud ba khud aap ko ghamgeen kardey, us ki ek jhalak ke lye bechain rahen to insaan ko samajh lena chahiye ke haan mujhe muhabbat ne chun lya hai.. Aap khud ko badalney lagen aur aisa bananay ke lye koshan hojayen jaisa usey pasand hai mai samajhta hun inhi sab alamaat se ek shakhs ko undaza hojana chahiye ke wo muhabbat karta hai .. Itna pyara jazba hai jis me insaan khud ko pyar karney lagta hai

    Bas aisey hi waqar ali ka ek khubsurat naghma yaad aagaya us ke kuch misrey tehreer kar raha hun...

    Tum Jahan Bhi Beth Ke Jaatay Ho..
    Jis Cheez Ko Haath Lagatay Ho..
    Mai Waheen Pe Betha Rehta Hun..
    Us Cheez Ko Takta Rehta Hun..
    Mai Aisi Muhabbat Karta Hun..
    Tum Kaisi Muhabbat Kartey Ho..



  6. #6
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 5




    Paras


    Kya Muhabbat k baad Muhabbat Mumkin hai??????



    Answer


    Mushkil sawaal hai Paras.. is ka sahi aur clear jawab wohi dey sakta hai jisey ye naymat do dafa mili ho ek hi zindagi me.. Hum per filhaal ek hi dafa meherbaan hui hai .. Koshish karta hun jawaab deney ki

    Mera manna kuch aisa hai ke ek Muhabbat hotey huye bhi aap ko kisi se Muhabbat ho sakti hai lekin us ka mayaar pehli Muhabbat se bilkul alag hoga, ho sakta hai shiddat ziada ho aur ho sakta hai ke kum ho.. it just depends.. for example.. Aap kisi ko chahtay hain.. toot kar chahtay hain.. zindagi bhi saath guzarney ki tamanna hai.. lekin kisi bhi wajah se aap se wo durr hojati hai aur un mey se nahi hain jo ek larki ki wajah se apni zindagi tabah karden aur unko takleef den jo aap ki zindagi me us se pehley they aur aap se muhabbat kartey hain maslan aap ke maan baap behen bhai. Ab aap un ke lye jeetey hain aur aap ki shadi ek aisa jagah hoti hai jahan aap ki taraf se koi feelings nahi theen kabhi.. Aur jis shakhs se shadi hui hai wo aap ko chahta hai be panah.. to sachi Muhabbat me to aisa hi asar hota hai ke wo pathar ko bhi mom banadey.. ab agar kuch saalon tak ek sakht pathar per bhi paani ki boonden tapkaai jayen us me bhi soorakh hohi jaata hai aakhir.. to insaan ka dil ko muhabbat ka bhooka hota hai usey banaya hi is tarhan gaya hai ke jahan se muhabbat milti hai wahan khicha jata hai.. Aap apni pehli muhabbat ko kabhi bhula nahi saktey ye insaani fitrat ke khilaaf hai lekin haan ho sakta hai doosri muhabbat ka asar aisa ho jo pehli per haawi aajaye aur aap phir se ji uthen ...

    I dunno kis had tak durust hai jawab .. Meri islaah karen agar mai kaheen ghalat hua hun kionke mujhe experience nahi hai itna


  7. #7
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 6


    ~*Heer*~


    Yak tarfa Muhbbat kay baray may Aap kia khay gay...? jab k feelings apany ikhtiaar may nhi hoti or na hi in per koi zberdasti chlati hy..to jab insaan asi feelings ka shkaar ho jaye jha per aik taraf sy muhbbat ho dusri taraf sy milnay ki koi umeed na ho to woh kesa react kerta ho ga ya usay kia kerna chahye jb k yeh kwahish to hmsha rhti k woh b aap ko wesa hi chahye....??


    Answer




    Muhabbat per kisi ka zor to chalta nahi .. is lye ab hogayee to hogayee ab kya karen na hi aap samnay walay ko pakar kar zabardasti muhabbat karwa saktey hain ye muhabbat ke usoolon me shaamil hi nahi.. To ab insaan kya karey jab ke wo kisi shakhs ki muhabbat me giraftaar hai aur wahan se koi umeed na ho.. To yahan har insaan ka radd-e-amal dusrey shakhs se bilkul mukhtalif hoga kionke har koi ek jaisa nahi hota har kisi ke mizaaj me zameen aasman ka farq hota hai.. Jo sachi muhabbat karta hai wo pehley to koshish karey ga ke muhabbat se us shakhs ko apni taraf maail karey kionke sachi muhabbat me buhut taaqat hoti hai agar phir bhi wo shakhs aap ka na hua to ab aap ki qismat ..waisey bhi aap ko jis se muhabbat hui hai ye zaruri nahi na wo shakhs bhi aap ko chahay aur muhabbat ne kab wada kya hai ke mai tumko sirf khushyaan dun gi.. ye to zindagi ki tarhan hai is me khushyan bhi milti hain aur ghum bhi miltey hain.. paaleney ki chahat shamil zarur hoti hai muhabbat me aur takleef bhi deti hai mehboob na miley to lekin us ki khushi agr kaheen aur hai to aap apna ghum bhul jatay hain.. Hum to isi ko muhabbat ka naam detey hain

    Hoti Hai Bari Zalim.. Yaktarfa Muhabbat..
    Wo Yaad To Aatey Hain.. Per Yaad nahi Kartey..


  8. #8
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 7



    Gur!ya

    Kabhi Kabhi rishton ki mohabbat insan ko itna majboor kar deti hai k agar aus ko apni zaat ko lekar koi eham faisla karna ho to wo aun rishton k bandhan mai ulhaj k reh jata hai !! ause kia karna chahye ? ? ? apni dil ki bat ko pura karna chahye ya rishtaoon ki mohabbat ka khiyal rakhte ho apni dil ki bat ko qurban kar dena chahye ?



    Answer



    Hmm.. Depend ye karta hai ke aap ke wo konsey muhabbat ke rishtey hain jo aap se aap ki zaat se barh key taqazay kar rahay hain .. Agar to wo maan baap hain to mere nazdeek us per koi compromise nahi hona chahiye kionke pehli baat ye ke maan baap ka nafarman na dunya me kaamyaab hai na aakhrat me.. Aap ko khud ko maarna parta hai jab aap ki maan ya baap kisi baat ka taqaza aap se karen jo ke aap ki tabiyat ke khilaf ho.. misaal ke taur per yehi muhabbat ko lelen ke aap jisey chahtay hain wo bhi aap ko chahti hai us ki family bhi raazi hai lekin yahan aap ki maan ne mana kardya wajah koi bhi ho sakti hai.. Ab khud se pooch kar batayen aap kya faisla karen gay .. ek zee rooh shakhsiyat jisey maan baap ki ehmiyat ka undaza hoga us ke lye us ki self kuch nahi un ke samnay .. aisi hazaar larkiyan ya larkey qurbaan un maan baap ke lye wo alag baat hai ke dil se muhabbat nahi jaati kabhi.. ye na farmani nahi hai kionke ye to fitri amal hai na .. na farmani jab hoti jab aap maan baap ki marzi ke khilaaf jatay.. Un se ziada muhabbat karney wala kahan aur kis ko mila hai is dunya me..

    Ye uper jo do rishtey hain ye baaqi sab rishton se afzal hain... ye beloss muhabbat ke rishtey hain jo hum se kabhi kuch nahi chahtay return me.. asal muhabbat karna inho ne hi to humey sikhaya hota hai jo ke hum ko khud ilm nahi hota... lekin haan sharai taur per aap ko apney behen bhai ya kisi aur rishtey dar ki har baat mannay ka hukm nahi dya gaya na hi aap us se gunahgaar hotey hain .. agar to un ki zindagi aap ke faisley se affect nahi ho rahi to mera khayal hai aap ko apni zaat ko ehmiyat deni chahiye yahan ..

    Guriya.. dil to demands karta hi rehta hai aakhir kab tak ek insan us ki demans ko poora karta rahey ga.. jab tak aap kisi doosrey shakhs ko dukh nahi pohuncha rahay ya us ki zindagi ko affect nahi kar rahay apney faisley se .. wahan tak apney dil ki sunney me harj bhi nahi hai .. Bas dil ka har hukm mannay wala nuqsaan me rehta hai .. halanke me bhi unhi me se ek hun jo dimagh 2nd number per tarjeeh detey hain..


  9. #9
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Poll Mere Jawab Tumharey Sawal ~ serious_thoug

    Question # 8

    mian_imran


    14wain ka chand asman per apnay poray aroj per chamak raha hay, aap us waqat bohat udas hain, asay waqat wo shakas aa jiay jo udasi ka sabab ho, to us say aap kia kahain gain? ya aap ka reaction kia ho ga?


    Answer



    Is sawal ke kaafi pehloo ho saktay hain ke wo kon shakhs tha jis ne dil dukhaya kya wo aap ka mehboob tha, dost tha ya koi aur .. aur dil us ki wajah se hi dukha hai ya aap ki apni koi ghalti thi usey ilm bhi na tha...

    Mai ek context me jawab dena chahun ga... Agar to wo shakhs wo hai jis se mai muhabbat karta hun to us ke pas ja kar aanay ka sabab poochon ga lekin koi shikwa nahi kar sakta us sey.. balkey haan us ke aanay se meri udaasi kaheen durr chali jaye gi kionke us chandni raat me us ke anay se bara tohfa kya hota aur usey apni muhabbat ka yaqeen dilaon ga..


  10. #10
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    836 Post(s)
    Tagged
    9270 Thread(s)
    Thanked
    1179
    Rep Power
    21474971

    Default Re: Mere Jawab Tumharey Sawal ~ serious_thoughts

    Question # 9

    ~*~Mehar~*~



    Kia intaha ki muhabbt kabi nafrt may badl skti hai?





    Answer





    Mere nazdeek jahan muhabbat ho wahan nafrat to durr ki baat aap us shakhs ko takleef pohunchanay ka soch bhi nahi saktey.. nafrat sirf wahan se janam leti hai jahan se aap ki zidd, khud gharzi aur mehboob ko hasil karney ki khuwahish aap ki muhabbat per haawi hoti hai aur usey hum muhabbat nahi keh saktay kionke muhabbat ka jazba sirf pyar deney ka hi naam hai pyar mil jaye to aap khush qismat hain nahi milta to bhi aap ko us shakhs ki khushi me khush hona chahiye warna muhabbat karney ka dawa bekaar hai.. Nafrat wahan aati hai jahan aap apni khushi ko ziada importance detey hain apney mehboob ki khushi sey ..

    Haan agar aap ko muhabbat me dhoka hua hai to aap ka dil zarur kharab hoga aur takleef hogi lekin nafrat us waqt bhi us shakhs se jaaiz nahi jis se aap ko muhabbat hui aur us ne dhoka dya..


Page 1 of 3 123 LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •