Results 1 to 3 of 3

Thread: Jinki Mar Jaati Hai Maa

  1. #1
    Join Date
    Mar 2008
    Location
    HEART
    Posts
    5,555
    Mentioned
    1 Post(s)
    Tagged
    96 Thread(s)
    Thanked
    8
    Rep Power
    21474851

    Jinki Mar Jaati Hai Maa


    JINKI MAR JAATI HAI MAA

    Mout Ki Aaghosh Main Jab Thak Kai Soo Jati Hai Maa
    Tab Kaheen Ja Kar Sukoon Thora Sa Pa Jati Hai Maa

    Fikr Main Bachoon Ki Kuch Is Terha Ghul Jati Hai Maa
    Nojawaan Hotay Huwe Budhe Nazar Aati Hai Maa

    Rooh Kai Rishtay Ki Yeah Gehrayean To Daikheye
    Choot Lagti Hai Humaray Aur Chillati Hai Maa

    Kab Zarurat Ho Merai Bachay Ku Itna Sooch Kar
    Jaagti Rehti Hain Aankhain Aur Soo Jati Hai Maa

    Hudiyoon Ka Ras Pila kar Apnay Dil Kai Chain Ku
    Kitnee Hi Ratoon Mai Khali Pait Soo Jati Hai Maa

    Janai Kitne Barf Si Ratoon Mai Aysa Bhi Hua
    Bacha To Chaati Pai Hai Gelay Main Soo Jati hai Maa

    Jab Khilonai Ku Machalta Hai Koie Ghurbat Ka Phool
    Aansoon Kai Saaz Par Bachay Ku Bhailati Hai Maa

    Fiker Kai Shamshaan Mai Aakhir Chitaoon Ki Terha
    Jaisai Sookhi Lakreyaan, Is Terha Jal Jati Hai Maa

    Apnay Aanchal Sai Gulabi Aansuoon Ku Poonch Kar
    Dair Tak Gurbat Pai Apne Ashk Barsati Hai Maa

    Samnai Bachoon Kai Kush Rahti Hai Her Ik Haal Main
    Raat Ku Chup Chup Kai Lakin Ashk Bersati Hai Maa

    Phailay Bachoon Ku Kheelati Hai Sukoon-o-Chain Sai
    Baad Mai Jo Kuch Bacha Oh Shouk Sai Khati Hai Maa

    Mangti Hi Kuch Nahi Apnai Leye ALLAH Sai
    Apnai Bachoon Kai Leye Daman Ku Phailati Hai Maa

    Gar Javan Baiti Ho Ghar Main Aur Koie Rishta Na Ho
    Ek Naye Ehsas Ki Suli Pai Char Jati Hai Maa

    Har Eebadat Har Mohabbat Mai Nihan Hai Ek Gharz
    Be-Gharz, Be-Loos, Har Khidmat Ku Kar Jati Hai Maa

    Bazuwoon Mai Kheench Kai Aajaye Gi Jaisai Kayenat
    Apnai Bachay Kai Leye Bahoon Ku Phailati Hai Maa

    Zindagani Kai Safar Mai Gardishoon Ki Dhoop Mai
    Jab Koie Saya Nahi Milta To Yaad Aati Hai Maa

    Pyar Khaitai Hain Kisai Aur Mamta Kya Cheez Hai
    Koie Un Bachoon Sai Poocheye Jin Ki Mar Jati Hai Maa

    Safa-e-Hasti Pai Likhti Hai Usool-e-Zindagi
    Is Liye Ek Muktab-e-Islam Khailati Hai Maa

    Us Nai Duniyan Ku Deye Masoom Rahber Ise Leye
    Azmatoon Mai Sani-e-Quran Khailati Hai Maa

    Ghar Sai Jab Pardesh Ja Ta Hai Koie Noor-e-Nazar
    Haath Main Qur'an Lai Kar Dar Pai Aajati Hai Maa

    Dai Kai Bachay Ku Zamanat Main Raza-e-Pak Ki
    Peechay Peechay Sar Jhookaye Door Tak Jaati Hai Maa

    Kanpti Aawaz Sai Khaiti Hai Baita "Ulwida"
    Samnai Jab Tak Rahe Haatoon Ku Lehrati Hai Maa

    Jab Perayshani Mai Ghar Jatai Hain Hum Pardesh Main
    Aansuwon Ko Ponchne Khawabon Main Aajati Hai Maa

    Dair Ho Jati Hai Ghar Aanai Main Aksar Jab Hamain
    Rait Per Machle Ho Jaisay Aisay Ghabrati Hai Maa

    Martai Dam Tak Aasaka Bacha Na Ghar Pardesh Sai
    Apni Donoo Putliyaan Chokhat Pai Rakh Jati Hai Maa

    Baad Mar Janai Kai Phir Baite Ki Khidmat Kai Leye
    Bhaise Beti Ka Badal Kar Ghar Main Aajati Hai Maa

    Door Ho Jati Hai Sari Omer Ki Us Dum Thakan
    Bayha Kar Kai Betay Ka Jab Ghar Bahu Lati Hai Maa

  2. #2
    Join Date
    Feb 2008
    Location
    manchester
    Age
    32
    Posts
    11,319
    Mentioned
    0 Post(s)
    Tagged
    49 Thread(s)
    Thanked
    0
    Rep Power
    21474857

    Default Re: Jinki Mar Jaati Hai Maa

    hmm realstic peotry ......

  3. #3
    Join Date
    Feb 2008
    Posts
    4,001
    Mentioned
    0 Post(s)
    Tagged
    31 Thread(s)
    Thanked
    0
    Rep Power
    21474850

    Default Re: Jinki Mar Jaati Hai Maa

    bht achi hai

    2q0koia - Jinki Mar Jaati Hai Maa

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •