Results 1 to 2 of 2

Thread: Ab ke safar kuChh aur thaa,

  1. #1
    Join Date
    Mar 2008
    Location
    ♥ ♥ ChaAnd K paAr♥ ♥
    Posts
    41,780
    Mentioned
    1 Post(s)
    Tagged
    1314 Thread(s)
    Thanked
    2
    Rep Power
    21474887

    Default Ab ke safar kuChh aur thaa,

    Ab ke safar kuChh aur thaa, aur hii kuChh saarab the
    dasht-e-talab meN jaa ba jaa, saNg-e-giraan-e-Khwaab the

    hashr k din ka ghulghula shehar ke baam-o-dar meN thaa
    nigle hue sawaal the, ugle hue jawaab the

    ab ke baras bahaar ki rut bhii thii inetzaar ki
    lehjoN meN sail-e-dard thaa, aankhoN meN izteraab the

    KhwaaboN ke chaaNd Dhal gaye, taaroN ke dam nikal gaye
    phuuloN ke haath jal gaye, kaise yeh aaftaab the

    sail ki rehguzar hue, hoNT na phir bhi tar hue
    kaisi ajiib piyaas thii, kaise ajiib sahaab the

    umr isii tazaad meN, rizq-e-ghubaar ho gayii
    jism thaa aur azaab the, aankheN thiiN aur Khwaab the

    subah huii to shehar ke shor meN yuuN bikhar gaye
    jaise voh aadmii na the, naqsh-o-nigaar-e-aab the

    aankhoN meN Khuun bhar gaye rastoN meN hii bikhar gaye
    aane se qabl mar gaye, aise bhii inqilaab the

    saath voh ek raat ka, chashm-e-zadan ki baat thaa
    phir na vo iltefaat thaa, phir na vo ijtinaab the

    rabt ki baat aur hai, zabt ki baat aur hai
    yeh jo fishaar-e-khaak hai, is meN kabhii gulaab the

    abr baras ke khul gaye, jii ke ghubaar dhal gaye
    aankh meN ruunuma hue, shahr jo zair-e-aab the

    dard ki rehguzar meN, chalte to kis khumaar meN
    chashm k be-nigaah thii, hoNT k be-khitaab the

    *~*~*~*ღ*~*~*~**~*~*~*ღ*~*~*~*

    2m4ccw6 - Ab ke safar kuChh aur thaa,

    *~*~*~*ღ*~*~*~**~*~*~*ღ*~*~*~*

  2. #2
    Join Date
    Sep 2008
    Location
    Multan
    Age
    27
    Posts
    3,457
    Mentioned
    0 Post(s)
    Tagged
    54 Thread(s)
    Thanked
    0
    Rep Power
    21474849

    Default Re: Ab ke safar kuChh aur thaa,

    nyceeeeeeeeeeeeeee




Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •