Results 1 to 5 of 5

Thread: ... Murawwat o Mohabbat Ke Mabain ...

  1. #1
    Join Date
    Mar 2008
    Posts
    526
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    21474846

    Default ... Murawwat o Mohabbat Ke Mabain ...

    Aaj koi purana mehram e raaz mila. Koi bohot azeez rishta yaad aaya. Koi ajeeb si khalish phir jaagi. Uss ne poocha ke "sunao kaisi ho?" Dil ki saada lohi humaisha ki tarha na chupa saki aur besakhta hans parri. Dil ne aah e sard bhari aur sargoshi mein dua ki ke khudara kash woh hansne ka sabab na poochey! puraney bharam kaim reh jain aaj! Kash ussey khabar ho ke hum mohabbat ke zeenay sey utter kar murawwat ki manzil par aa chuke hain... ab har sawal ka khara khara jawab uss ko mil jaye ga...Kash!

    lekin ussey humari mohabbaton ney iss kadar subak sar bana rakkha tha, keh ussey guman hua keh humaisha ki tarha aaj bhi dil dukha ke chal de ga...bechara! Burra ho iss mohabbat ka, ke jab rukhsat hoti hai to apne baad gehra dard aur bad gumani chorr jaati hai. Hontoun ki sheereeni ko talkhiy e guftaar sikha daiti hai! Ilfaaz mein taigh o shamsheer ki kaat aa jaati hai. Aye ishq, tu ne kitnoun ko mitaya ho ga!

    Uss ne pooch hi daala, laboun ki dheemi si muskaan sey ke "tum muskuraee kyun?" Mein ne aaj bohot sadyoun ke baad uss ki gehri sayah aankhon mein aankhain daal kar baat ki! Aaj palkon mein woh haya aur larzish baaki nahin! Aaj dil ki dharkan uss ke kuurb mein sunai nahin di! Aaj humain yakeen ho gaya keh woh, hum aur ishq sab fanna ho gaye. Zindagi mein pehli barr uss kai dil ke tootne ki khanak apne kaanon sey sunni. Merey paikar mein bhi koi anmool sa jazba bikhar gaya...shayad woh tajdeed e mohabbat aur tajdeed e mulakaat ki umeed thi. Ab jaana keh laboun ki jumbish sirf guftaar nahin hoti, yeh aab e hayaat bhi hai aur zehr e kaatil bhi!

    jawab kya daina tha aur kya diya? barson ki khalish, takleef aur soz hath mila kar utthay... aur uss ke dil par toofan e baaraan ki tahra baras gaye. kaha hum ne, "keh haal kyun poochtay ho? Ajnabi nahin ho keh haal jaantay nahin aur mehram nahin ho keh mujh sey eitebaar ki umeed rakkho. Hansey iss liye keh tumhari kotah nazri par bohot row chuke. Kya tumhain meray chehrey ke sard nakoosh nazar nahin aaye? meri aankhon mein wafa ki chamak hai na mulakaat ki khushi. Kya tum ne iss se pehle meri aankhon ko iss kadar bebaak paya? Meray hontoun pe koi ankahi baat nahin, aur mein ne tumhain aaj naam se pukara... kya iss sey pehle kabhi aisa hua? Aaj mein ne tumharay chehre ko nazar bhar ke nahin dekha, sirf nazar daali aur hatta li. Ehsaan hai tumhara meray dil par ke issey ishq sey azad kar diya. Mohabbat ki manazil bohot dushwaar thein, hum ne murawwat ko khoob sehel paya. Yeh dunya daari jo hum dushmanon sey bhi karte aaye hain, aaj tumhari nazar karte hain. Kaho kaisey ho? Agar apni koi takleef batana chaho to na kehna, keh mujhe parwah nahin; aur agar kisi khushi ka zikr karna hai to tumhari khushi sey mujhe kya matlab? woh paikar badal gaya jaanan jo teray eik aansoo par pighal kar dard bann jata tha aur teray eik tabassum par khil uthta tha. Tujhe umeed hai keh shayad teray baad mein phir khush nhin hui? nahin aisa har giz nahin, mein ne teray naam ki jagah dil mein koi aur naam basa liya hai. Ab woh mehboob ka martaba kisi aur ki takdeer hai. Mein ne ishq sey toba nahin ki, faqt tujhe iss naimat sey bedakhal kar diya! bohot pooja hai tujhe, magar ab dil ke sanam khaney sey nikaal bahir kiya to tu mabood sey patthar ho gaya hai. Sunao janaan keh uss arooj sey iss pasti ka safar kaisa tha? Jo ehsaas e zayaan humain satata raha, kya uss ne tumhain bhi rulaya? Magar rehne do... tumhare oopar kya beeti, humain iss sey kya matlub? Humain apne dil ki roodaad bhi kuch theek sey yaad nahin, phir kisi aur ki kahani kya sunain?"

    Ishq mein karb aashna log jantey hain keh yeh dil ya sar nigoon hai ya sar firosh. Uss ka dil torra to apne ki kirchian bhi uthain... magar wohi azal hi nadani keh apna haal uss ke haal sey bil akhir mil hi gaya. Jiss chehre ki jhalak par kal jaan daitey thai aaj uss par behta woh eik tanha aansoo nahin ponch sakey. Humari barson ki shab baidari ka hisaab aaj saaf ho gaya. Ab woh umer bhar tanhai mein muskura nahin sake ga. Akeelay chand ko daikhna ussey bhi rulai ga. Aisi gehri udasi sey uss ne mujhe nazar bhar kar dekha keh jaisey eik aakhri baar umer bhar ke liye dekh raha ho. Dil ne dheemay sey kaha, ab hum dobara nahin milain gey, kyunke hum donon karb ashna ho gaye hain... murawwat o mohabbat ke mabain faisla sirf itna hua keh murawwat ajnabee ke sath hoti hai aur mohabbat mehram sey... magar jab mehram hi ajnabee ban jaye to na murawat ki takmeel hoti hai aur na mohabbat ki!

  2. #2
    Join Date
    Feb 2008
    Location
    Someone's Heart
    Posts
    25,848
    Mentioned
    1 Post(s)
    Tagged
    24 Thread(s)
    Thanked
    0
    Rep Power
    21474871

    Default Re: ... Murawwat o Mohabbat Ke Mabain ...

    true n buhat he zaberdast likha hai

    ik ik lafz sacha laga...


    nice sharing..
    SD ki Basanti

    Chal DhanoOo

    I Love the feelings When U Hold My Hand....

    53339010150654137193873 - ... Murawwat o Mohabbat Ke Mabain ...

  3. #3
    Join Date
    Feb 2008
    Location
    manchester
    Age
    32
    Posts
    11,319
    Mentioned
    0 Post(s)
    Tagged
    49 Thread(s)
    Thanked
    0
    Rep Power
    21474857

    Default Re: ... Murawwat o Mohabbat Ke Mabain ...

    nice dear

  4. #4
    Join Date
    Feb 2008
    Location
    Karachi, Pakistan, Pakistan
    Posts
    125,914
    Mentioned
    840 Post(s)
    Tagged
    9270 Thread(s)
    Thanked
    1181
    Rep Power
    21474971

    Default Re: ... Murawwat o Mohabbat Ke Mabain ...

    very nice sharing dear khud likha hai ?
    صرف آواز نہیں ، لفظ بھی مقفل ہیں مرے

    سوچ میں ہوں کہ اب تجھ کو پکاروں کیسے

  5. #5
    Join Date
    May 2008
    Location
    Makkah
    Age
    29
    Posts
    1,148
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    11

    Default Re: ... Murawwat o Mohabbat Ke Mabain ...

    nice hai par main nay pora nahii parha itna ziyada na likha klaroo agr likhna hai to thora likha karoo

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •