Page 1 of 2 12 LastLast
Results 1 to 10 of 14

Thread: Moabbat ne Mohabbat ko Pukara hai.......

  1. #1
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Moabbat ne Mohabbat ko Pukara hai.......

    MOHABBAT NE MOHABBAT KO PUKARA HAI !

    Written By :Mishaal Ahmed
    Sachiidosti.com

    ‘’Usey Meri judayi buhut dukh deti THi ! ‘’
    ‘’Woh kehti thi ke tumhare bina meri zindagi ke koi Maani nahiin hain; tumse door ho ker main Jeetey ji Mar jaongi..
    Tumhein nahiin pata ‘’Aliyaan ‘’ tum tu meri rooh mein baste ho ager kisi se uski rooh cheen li jaye tu who Zinda kese rahe ga??’’
    Aur main uski baton per usey bas dekh ker reh jata tha.
    Kitni deewani thi na??
    Mein jab bhi us se Judaayi ki baatein kerta tu who aik dam ro Parti thi..Uski jheel si ankhon main shafaaf moti dekh ker main khud ko kosta aur usey mananey main lag jata tha………
    Magar Shayad hum nahiin jante the ke kabhi kabhi Zabaan se nikalne wali baatein bhi sach ban ker humare samne aker khari ho jati hain…Humein Kya pata tha ke mazak main judayi ki baatein kertey aik din hum Judaa ho jaye ge ! Agar pata hota tu main kabhi aisi baatein nahiin kerta ..

    Mujhe Aaj bhi yaad hai who humari Judaayi ke samey kis tarhaan Toot Ker Bikhri Thi….Mein Usey yeh dukh Nahiin dena Chahta tha magar …… uski bhalayi aur uske Khandaan ki Izzat-o-Waqaar ka bhi Ilm Tha mUjhe !
    Maine Kabhi usey hurt nahiin kerna Chaha Tha magar Nadanstgi main Usey itna bara Dukh De betha !
    Magar yeh tu hona hi Tha ..Shayad….Humari Qismat main yahi likha tha…….
    ‘’Mere Uske Ghar proposal bhejne se pehle hi us Per Yeh InkiShaaf
    Pahaar Ban Ker gira ke Uske Walid Uska rishta Bachpan Main Hi Uske Tayazaad ‘’Zaviyaar’’ Se tey ker Chuke Hain…………! ‘’
    Uskey Walid Apni Zubaan ke Pakey Hain yeh who bhi janti thi……Aur usey yeh bhi pata tha ke ager woh baghawat kerna bhi chahe tu uske Walid kabhi bhi nahiin maney ge………
    Usey Apne Abba jaan Se buhut Pyaar tha…magar who pagli larki…Mujhe se bhi buhut Pyaar kerti thi,aur aj apne Walid se shaaki thi ke
    Uski Zindagi ka faisla Uski merzi janey baghair ker diya gaya..!
    Kitni Asaani se Us se keh diya gaya ke Kuch mahinon Baad tumhari shaadi hai.
    Kashi Usey pata hota ke who bachpan se kisi se mansoob hai tab shayad……….Shayad humari Mohabbat ka koi Wajood na hota
    Aur yeh Judayi ki aziyat tu na sehni parti………Kaash !
    Aur woh pagal larki !
    Aaj meri khatir Baghawat kerne apne walid ke samne kharey hone ki bat na kehti..woh mujhse itni shadeed Mohabbat kerti hai Mujhe Iska andaza nahiin tha..aur us deewani larki ki Mohabbat ka andaza tu mujhe uske Bicharne ke baad hua !
    Woh komal si nazuk si lerki..main usey bachana chahta tha..us aik ghalat faisley se jo usey uske apno se buhut door le jata..Us barbaadi ke raste se apno ka aitebaar khoney se..Apno ko dukh dena unki naraazi sehna kya hota hai..yeh main janta hun..
    Magar shayad Usko is bata ka idraak bilkul nahiin tha.
    Tab ! ........ haan tab maine Khator ban ker usko apna faisla suna diya Usey chor dene ka faisla.. Aur yeh faisla sunate Main us se nazrein Mila hi na saka,usne mujhe kis dukh kis aziyat se dekha tha...Usey Judayi ki saza sunaney wala main tha..mujhe aj tak apne faisley per yaqeen nahiin aya..kitna pathar dil ho gaya tha na main???
    Magar shayad woh jaan sakti Us se kahiin zyada aziyat main mein tha(Uske khayal main main pathar dil hoon na) Haan main ..Mujhe lag raha tha..Jaise dunia ki har shey Sooog mana rahi hai..Matam ho rahe hain..dunia se jaise sarey rang mar gaye ho..Har manzar..har manzar pheeka ho gaya tha.............Main usey kya sambhalta main khud bhi tu bikhar raha tha..........toot raha tha...........!
    Woh janey ko muri thi..khali haath..tahi damaan..kuch bhi tu na raha tha uske paas....
    Main dil main uthtey dard ke toofaan ko daba ker usey apna America ka contact number dekar bas itna hi keh saka...:
    ‘’ TOOBA !
    Zindagi ke kisi mor per tum khud ko tanha pao meri madad ki zarorat ho dunia agar tumhein akela ker de tu mujhe Pukaar lena..Main tumhari aik pukaar per ajaonga...Apna khayaal rakkhna..
    Nayi Zindagi Mubarak ho..ALLAH Hafiz.......’’
    Woh ruki nahiin woh humesha ke liye chali gayi..usne mujhe mur ker dekha bhi nahiin..kabhi kabhi mujhe lagta ahi usne meri akhri baat suni hi nahiin thi... Barasti barish ki tarhaan uski ankhein bhi baras rahi thi...uski jheel si ankhon Mein Terte Ansoo mujhse bhala kahan chupe the??
    Aur.........phir woh chali gayi shayad Mohabbat kerne walon ke saath Aisa hi hota hai..Mohabbat kerna tu buhut Asaan hota ahi magar usko nibhana us se kahi zyada mushkil..Aur maine tu apne hathon se apni mohabbat ko khoo diya..........main mohabbat ko nibha hi na saka ke mujhe tooba ke liye zindagi ki rahon ko asaan banana tha..main usey kisi mushkil main nahiin daalna chahta tha...
    Main America janey ki tayariyon main laga tha..Karachi Saari Ronaqein Mujhe ab pheeki lagne lagne lagi thi..
    Mein jo yeh kaha kerta tha ke (City Of Light ! Meri jaan hai aur
    Main mar ker bhi isey nahiin chor sakta...) Aaj… Usko chor Ker
    Ja raha tha..!
    Aur Dusri taraf Uski Shaadi ki tayarriyaan Urooj per thein….
    magar kisi ne Uski Adam Dilchaspi ko Mehsoos hi nahiin kiya
    Who din badan Murjhati jarahi hai..Kisi ne mehsoos hi nahiin kiya.. Shayad sab Yahi soch ker Khamosh the..ke agley ghar jane aur yeh ghar chor janey ke khayaal se Afsurda hai…….
    Halanke ‘’Amma Ji’’ Uski Walidah ne Apne Paas bitha ker kitne pyaar se samjhaya bhi tha..:
    ‘’Ke Dekho beta aik na aik dil tu babul ka aangan chorna hi perta hai lerki ka asal ghar uska sasural hota hai…..betiyaan tu angan ke churiyaan hoti hain..jo waqt aney per ur jaati hain apne asal ghar ki taraf..……..Meri jana tum pareshaan na ho aur wese bhi taya ke ghar ja rahi ho kuch bhi ajnabi na hoga.. !
    Aur who tu bas muskura ker reh gayi… Kya batati ke amma ji mera dil kyun pareshaan hai..mere dil ki dunia hi ujar gayi hai..Amma ji apke angan ki churayi mar jaye gi ..Amma ji usey Bacha lein……..!!!
    Aur yeh saari batein mujhe Sania se se pata chali ……haan Sania !
    Uski behen…….Aik wahi tu thi jo meri aur tooba ki Mohabbat se Agha…wahi tu thi jo buhut shru se humare barey main janti thi aik wahi tu humari raazdaar thi..Tooba sania se hi tu apne dil ki baatein kia kerti thi..magar aj who sarey dukh apne dil main chupaye bethi thi usne saani se bhi kuch na kaha.. aur sania bechari us se zyada kar bhi kya sakti hai..woh chah ker bhi kuch kerne se qasir hai…

    aur Main us se barabar tooba ka khayaal rakhne ka kehta raha hoon..magar mujhe kya khabar thi ke who andar hi andar khatam ho rahi hai…
    ‘’Jis Din uski shaadi thi…..mein usi raat Us mulk se tamaam rabitey khatam ker ke America chala aya..Aur ab mera waahn reh bhi kya gaya tha?? Sab kuch tu haar aya tha..wahan chand doston ke siwa poochne wala koi tha bhi nahiin jin ko maine tal diya..
    Mummy daddy pehle hi yahan settle the..mere faisley per woh buhut khush huye…
    Main tu uski yaad bhulane yhan chala aya tha..magar who thi ke yaad aye chali ja rahi thi...mujhe kya pata tha ke apna dil bhi wahiin kahiin chor aya hun..
    Aaj uski shhadi hai yeh soch soch ker meri ankhon main mirchein bhari ja rahi thein.. Kis ko batata mere saath kya hua ahi???
    Mere dil ki duniya kesay ujar nahii hai…??
    Mujhe us deewani larki ka khayaal araha tha..woh kis aziyat main hogi..uske ansoo itni door bethe hhi mujhe apne dil per girte mehsoos ho rahe the………..
    ………………………………………………………………………………
    4 years later !
    4 saal beet gaye…….
    Yeh 4 saal kese beet gaye..kesay maine khud ko sameta yeh main hi janta hun.!!
    Main Aaj aik kamiyaab business man hun..mere Hotels ki Keychains hain..buhut kuch Badal gaya hai………..
    Daddy ab nahiin rahe …………..
    Yeh hawayein Yeh fizayein meri soch……….. meri Dressing ...
    Mera hasna bolna sab kuch badal gaya hai………….
    Zindagi main buhut se badlao aye hain
    Nahiin badla hai tu who mausam hai ka mausam……….. Mera dil aaj bhi ‘’toba’’ ke liye Dharakta hai..
    Rukiye !! Door Bell Baj rahi hai..............
    Darwaza kholne per Post man Ki shakal nazar ayi…
    Ufff !!
    Aaj phir kisi Bussiness dinner ka invitation agaya !!
    Maine Bezaari se woh safaid lifafa table per daal diya…..aur bahar jane ke liye qadam barhaye hi the ke Aika ik Meri Nazrein Lifafey pr likhi Ibarat Per pari…
    ‘’Aliyaan Zaidi ke liye Tooba Ki taraf Se ‘’
    Uske likhne ka yeh Makhsoos andaaz main kesay bhool sakta hun??Kya aaj uusey meri zarorat hai???
    4saal kam tu nahiin hote???
    Un 4 saalon main koi aik pal aisa nahiin guzra jab maine usey yaad na kiya ho..woh komal se larki bhi kabhi bhulaye janey ke qabil hai?? Mujhe lagta hai main kabhii us se juda hua hi nahiin....
    Maine Betaabi se Woh Khat Khola ..Jaise jaise Main Khat Perhta ja raha tha Mere chehre ki rangat badalti ja rahi thi..
    Yeh Tooba ki zindagi ke beete un 4 salon ki daastan thi jo usne mere baghair guzare...aur agle lamhe Main apne Pakistan jane Ke liye Seat book Karwa raha tha.........
    Mehendi Lagane Ki raat Ayi
    Doli sajane ki raat ayi........!!!
    Tooba ki Behnein aur saheliyaan geet ga rahi hain,aaj meri aur tooba Ki Mehendi jo hai...................

    Ab aap sochein ge yeh kesay mumkin hai ?? jab ke tooba ki shaadi Ho chuki hai........Tooba aur Aaliyaan Juda Ho chuke the phir achanak yeh sab???
    Theheriye, aise apko samajh nahiin ayegi..main apko Us khat ke barey main Sab kuch batata hun.................

    ‘’Tooba Ne shaadi ke baad khud ko kafi had tak sambhal liye tha
    Jis main zyaaada tar hath uske shohar zaviyaar ka tha...tooba ne zindagi se Samjhota ker liya tha(Taham woh mujhe bholi nahiin thi....Laiken Qismat ko uska sambhalna bhi raas na aya..

    Tooba Ki shaadi ke sirf 2 mahine baad uske Shohar ki aik road accident main death ho gayi..!!
    Tooba per yeh sadma pahaar ban kar toot,abhi tu nayi zndagi Shru bhi nahiin hui thi ke yeh sab ho gaya..
    Phir buhut kuch sangeen hua..
    Tooba ka shaded qisam ka nervous breakdown ho gaya !
    Uski tayi ne uski mahoos aur sabz qadam qaraar de diya !
    Abba jaan usey wapas ghar le aye………
    Woh kamini si larki Jo choti si takleef Per bhi balak uthti thi..
    Itna bara sadma seh na saki..
    Oper se pe dar pe sadmat ne usey tor diya…
    Aur who In halon main pohanch gayi ke uska Nervous break down ho gaya !!
    Main is sab ka zimeydaar bhi khud hi ko theheraonga..main hi tu tha..jiski waja se who in halon main thi…
    ‘’Zaviyaar’’ (tooba ka shohar) ki moat ke baad..uski taayi ne usey manhoos mashoor ker diya.. taayi ko iklotey betey ki moat ka buhut gehra sadma tha aur uska zimeydara who tooba ke unke ghar per perne waley sabz qadmon ko thehra rahi thein...’’

    Tooba chup chaap sab sunti rahi..
    Abba jaan halaat ko qaboo main na atey dekh usey wapas ghar le aye the…Yeh sab buhut takleef deh tha who roz jeeti roz mar rahi thi…..Phir usey sambhalne main buhut sa waqt lag gaya…
    Usne dil se hasna chor diya tha who babul ke angan mena !
    Ab bilkul chup ho gayi thi ..
    Amma jaan aur abba jaan pareshaan nah on is liye bilawaja unki baton per muskurati rehti thi..magar kya who anjaan the uske dukh se..yeh aur baat ke who usey usper kuch kehte na the..ke kahiin uske zakham harey na ho jaye…
    Usne University main apne Pasandeedah mazmoon main admission le liya tha…………
    Abhi uska first semester bhi tamaam na hua tha ke taya jaan ne Apne Chotey bete aur tooba ke devar ka Proposal Tooba ke liye agey ker diya..!!
    Chonke Unka Bara beta nahiin raha tha..tu tooba ka wahan rehne ka koi jawaaz nahiin tha..woh tooba ko betiyon ki tarhana chahte the,shayad is liye bhi ke unki koi beti nahiin thi sarey armaan unhone sania aur tooba per hi poore kiye the…aur tooba tu thi bhi sab ki ladli ..uski ujri zindagi dekh ker aur yeh soch ker ke Tooba ke naam ke saath jo dhaba lag gaya hai..usey jan’nay ke baad koi maaqool rishta ata bhi hai ya nahiin..Us dar ke pesh-e- nazar unhone Chotey betay ka rishta daal diya…….Jiski tayi jaan Pur zor mukhalifat ker rahi thein…….Taya jaan aur tayi jaan main iS baat ko le kar Jhagre honey lage they..tayi jaan ka khayal tha ke tooba unke aik betay ko unse cheen chuki hai aur woh dusra beta khona nahiin chahti..
    Jab ke taya jaan ka khayaal tha tayi jaan ke khudshey be buniyaad hain…….
    Is baar tu Abba jana bhi Is rishtey ke Khilaaf the…. Kyunke Unka yeh batija Tooba se 4,5 saal chota tha magar who baap the…Kya kerte??? Beti Ki ujri halat Kesay dekhtey??/ Unhone Tooba ke samne yeh maamla rakh diya Aur uska andiyah lena chaha !
    Tooba ki ankhon main Baap ke sawaal per hairat hi hairat thi Uski
    Ankhon main hairaani Dekh kar aik lehaz ko Unhein apne faisley aur soch par buhutb afsos hua,Phir who Tooba ke sar per shafqat bhara haath rakh ker chale gaye…
    Tooba abba jaan ke maan rakh lene Per buhut khush thi, uski ankhon mein aaj baap ke liye Mohabbat Chalak rahithi Bilkul wesi mohabbat Jesi woh Shaadi se pehle Abba jaan se kiya kerti thi…Woh Bap ki pareshaani ko samajh gayi thi Usne Apni Amma jaan se Mera Zikar ker diya..
    Sab kuch jaan lene ke baad Amma jaan ne Be ikhtiyaar uski peshani choom ker buhut si duaayein de daalein…..woh itni sabir beti thui unki..unhein aj tak pata na chala..unki beti itna sab kuch sehti rahi aur unko khaber hi na hui..
    Woh dukh aur tasuf Ke miley juley Lehjey main Goya huyein:
    ‘’beta tu ne Humein Batay kyun nahiin??
    Tu ander hi ander ghulti rahi aur hum teri shaadi ka jashan manate rahe..tu khush nahiin thi tu kiya tujhe na khush dekh ker hum khush reh saktey the ?? beta aik baar tu tere Abba jaan se kehti......
    Kya pata tha bitiya ! tu sirf baap ka maan rakhne ki khatir apne aap ko bhent charha rahi hai...tera khyaal tha ke tere Abba jana nahiin maney ge ???tu beta mujhe aik koshish tu kerne deti .. ! ‘’
    ‘’Amma jaan ! Mein Abba jaan ko buhut achi tarhaan janti hun aur aap bhi achi tarhan janti hain ke Abba Kitne Pakkey hain apni zubaan ke ! Phir main Unko Sab ke Samney Sharmindah kese hone deti ? So maine unka Maan rakh liya..Betiyaan tu Walidein ka Maan Hoti hain na Amma jaan !
    Apne Hi tu Mujhe Seekhaya hai ! Usne apne chehre per aik dheemi si muskaan saja ker Jawaab Diya !
    Meri Pyari Bachi ! Amma Jaan Ne Usey Apne Saath Laga liya..
    Bahar kHare Abba Ne Apni ankhon mein aye Ansoo ponche..Unhein apni beti per buhut naaz hua..
    Woh beti jisne unka maan rakh liya..aur aaj unhein apni beti ka maan rakhna hai……
    Woh Muskura ker agey Barh gaye……………..
    Phir Agey ke Marahil khud ba khud tey hotey chaley gaye..Tooba Ka Khat milte Hi main pehli flight se chala aya..mummy daddy ko meri pasand per koi aiteraaz nahiin tha woh tooba se meri wabstgi ke barey main buhut pehle se jante the..aur mere dukh se bhi aashna the..unke liye yahi buhut khushi ki baat thi e unka beta shaadi ke liye raazi ho gaya hai..
    ************************************************************ *********Aur aaj humari mehendi ki rasm Ikhtitaam pazeer hui…
    ghar jatey hi pehla phone maine Us dewani si larki ko kiya tha..Jo mujhe buhut Pyari hai ! Aur bilashubha aaj peelay dopattey ke haley main who buhut masoom aur pyari lag rahi thi….
    aur kyun na lagti??
    Uske haath main mere naam ki mehendi jo lag rahi thi..
    ‘’Hello ! kya main Miss Tooba Aliyaan Zaidi se baat ker sakta hoon??? Maine usey tang kern eke khyaal se kaha !
    Sorry wrong Number !!
    Yahan koi Miss Tooba Aliyaan Zaidi nahiin rehti
    Usne bhi mera mazaaq samajh ker har lafz chaba chaba ker ada kiya aur naraazi se phone band kerne lagi..
    Uske Agley qadam ki bhanak partey hi maine Pentra badal liya; Arey baba ! Em Sorry phone Mat rakhna Tumhein tu pata hai na Mujhe mazaq kerne ki Adat hai ab ke mera anadaaz minat kerne wala tha…
    Mere Us Andaaz per woh khilkhila ker hans pari..Bilkul wesi shafaaf hansi jo un dino hua kerti thi jab hum saath the…
    Tumhein Pata hai Tooba ! Aj main buhut khush hoon !

    Kyun? Usne Hiaraani se poocha
    ‘’Aaj tumhari khoyi hui pyari si smile jo Wapis Agayi hai ! ‘’
    Maine Ghambher lehje main kaha.
    ‘’Aur main is liye Khush hoon……..Key Aj Mujhe Apka Saath Wapas Mil gaya Hai..Aap nahiin jante Ke Maine kitni Takleef kitni aziyat sahi hai..Aap jante the na muhe apki doori kitni takleef deti hai?? Phir bhi apne mera sath chor diya ?? main janti hun ke apne jo kia uska pas-e-manzar kiya tha..magar is dil ka kya kerti Aliyaan ???Is Doori ko buhut bardaasht ker liya ab aur nahiin.. Sehna 1 Mujhse wada karein Mujhe Chor ker kabhi nahiin jaye ge’’....Usne Fikermand lehje main mujhse wada liya...
    ‘’Waada’’ ! Maine uski ik ik ada per nisaar hote hua kaha...
    ‘’4 saal ! Aliyaan ! in 4 saalon main mein jis takleef se guzri hun shayad hi kabhi itni takleef sahi ho Amma Jaan Abba jaan ne kabhi takleef ka matlab jo na samjhne diya mujhe..aur aaj mujhe lagta hai ke mein jo takleef sahi Shayad woh mera imtehaan tha..
    ‘’Zaaviya ! woh ba hysiyat cousin aur shohar buhut ache Insaan the….Maine buhut imaan daari se unke saath khush rehne ki Koshish kit hi apni zindagi ke saath samjhota ker liya tha..Ap chahte the na mein zindagi main agey barh jaon meine wahi kia !
    Magar Shayad qismat ko yeh bhi gawarah nahiin tha..aur Zaaviyaar ka jana hi meri saza ban gaya...Sabz Qadam......Manhoos......Kia kia na meri samaaton ne suna’’ ; Woh ab ro rahi thi !!
    Mein bechain ho gaya !
    ‘’Please Tooba ! .........Dont Cry !.........Tumhein pata hai na ke tumharey ansoo mujhe takleef dete hain...In jheel si ankhon ko main humesha muskurata dekho !! hmm ??
    Aur jo hua us main tumhara koi qasoor nahiin !! shayad humari qismat main Isi Tarhan milna likha tha…’’
    ‘’Aur Ab rona Band kero aur yeh batao tumne Apna Wedding dress pehen ker dekha???’’

    ‘’Nahiin tu ‘’Wedding dress ke ziker per who muskurayi…
    ‘’mein wedding dress ab kal hi pehen ker dekhon gi werna dress ko meri nazar lag jaye gi.’’
    ’’Ufff ! mera dil chaha uske saath saath apna bhi sar phor lun !’’
    ’’Bewaqoof larki !Pehen ker kyun nahiin dekha agar fitting waghera ka masla ho gaya tu?? ’’
    ’’Kya???’’
    uske betahasha hansne ki awwaz ane lagi........
    ’’Ab is Tarhan Hans kyun rahi ho eine dunia se nirala sawaal pooch dala hai?? Ya sadme se asar ho gaya hai dimag per???’’
    Maine jhunjhula ker kaha.....!
    Usne Bamushkil apni hansi zabt ki;
    ‘’Tauba Hai Aliyaan ..!! aap tu khalistan aurton ki tarhan fitting ke peechay per gaye sach pehla dulha dekha hai maine aisa ..! ‘’
    Uski hansi phir se start ho gayi aur ab ke uske saath saath meri hansi bhi shamil ho gayi thi...
    ************************************************************ *********
    5 years Later ..
    ‘’Aur aaj 5 saal baad humara aik Khoobsurat ghar hai...
    Miss Tooba Aliyaan Zaidi aaj bhi wesi hain shokh-o-Chanchal aur sab ka khayaal rakhne wali aur mujhse be panah Ishq kerne wali..
    Haan 1 magar uski zimeydaariyon mein zaror izafa ho gaya hai..
    Jin mein sar-e-feherist ‘’Mein’’ aur ‘’Azaan’’ hain...
    Haan ..!! ‘’Azaan Aliyaan Zaidi’’ Humara Beta ..!
    Zindagi ke sare rang mukamal ho gaye hain kahiin koi kami nahiin hai..maine jisey chaha uska saath mujhe mil gaya......’’
    Laan mein footbaal se khelte Azaan ko dekhte huye Maine be ikhtiyar samne se chaye le kar aati Tooba ko dekha..Woh aaj bhi wesi hi nikhri nikhri si thi..
    ‘’Tooba ! tumhein yaad hai tumne apne us khat mein mujhe akhri baat kya likhi thi aur jis ne mujhe Pakistan wapas aney per majboor ker diya tha??? ‘’
    Usne Muskura ker dheere se Isbaat mein sar hila diya..
    Phir palkein jhuka ker dheere se gungunate huye boli..
    ’’Mohabbat ne mohabbat ko pukara hai...Mujhe Apka Saath chahiye Aliyaan ! ’’
    Aur Maine Muskura ker uski tayid mein sar hila diya !
    ************************************************************ ***
    THE END
    Last edited by мιѕнααℓ; 30-07-2010 at 06:35 PM.
    Alhamdullilah

  2. #2
    پاکستانی's Avatar
    پاکستانی is offline تلاش ہے کسی بیگانے کی
    Join Date
    Aug 2009
    Location
    Land of Silence,
    Posts
    2,327
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    21474847

    Default Re: Moabbat ne Mohabbat ko Pukara hai.......

    it is much better to write in urdu , becoz youn tu itne lambe tehreer k na sirf parne ma time lagey ga balke me ko tu roman bhi sahe nahi parne ate , anyway saving will read later and will come for comments ok

  3. #3
    Join Date
    Mar 2008
    Location
    ♥ ♥ ChaAnd K paAr♥ ♥
    Posts
    41,780
    Mentioned
    1 Post(s)
    Tagged
    1314 Thread(s)
    Thanked
    2
    Rep Power
    21474887

    Default Re: Moabbat ne Mohabbat ko Pukara hai.......

    read nai ki hai mishi..
    bad mein krta hn
    inpage per likhti coz is tarha easily copy paste ho jata hai sub..

    mehnat ra'gan na chali jaye klahen

    *~*~*~*ღ*~*~*~**~*~*~*ღ*~*~*~*

    2m4ccw6 - Moabbat ne Mohabbat ko Pukara hai.......

    *~*~*~*ღ*~*~*~**~*~*~*ღ*~*~*~*

  4. #4
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: Moabbat ne Mohabbat ko Pukara hai.......

    Quote Originally Posted by پاکستانی View Post
    it is much better to write in urdu , becoz youn tu itne lambe tehreer k na sirf parne ma time lagey ga balke me ko tu roman bhi sahe nahi parne ate , anyway saving will read later and will come for comments ok
    hmm i know Pakistani..but urdu main likhne mein time buhut lagta meri urdu typing speed fast nahiin hai..aur story long thi tu mazeed time lagna tha...

    hm ok waiting...
    Alhamdullilah

  5. #5
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: Moabbat ne Mohabbat ko Pukara hai.......

    Quote Originally Posted by Arslan View Post
    read nai ki hai mishi..
    bad mein krta hn
    inpage per likhti coz is tarha easily copy paste ho jata hai sub..

    mehnat ra'gan na chali jaye klahen
    hmm next time koshish kerongi ke urdu mein hi likhon..

    hmm mehnat rayegaan nahiin jaye gi dunt worry
    Alhamdullilah

  6. #6
    Join Date
    Jul 2010
    Location
    Karachi....
    Posts
    31,280
    Mentioned
    41 Post(s)
    Tagged
    6917 Thread(s)
    Thanked
    0
    Rep Power
    21474875

    Default Re: Moabbat ne Mohabbat ko Pukara hai.......

    bhttt ziadaya accha likha hai Mishal

    mene parh li puri


    Ik Muhabbat ko amar karna tha.....

    to ye socha k ..... ab bichar jaye..!!!!


  7. #7
    Join Date
    May 2010
    Location
    Islamabad
    Posts
    3,022
    Mentioned
    0 Post(s)
    Tagged
    31 Thread(s)
    Thanked
    0
    Rep Power
    21474847

    Default Re: Moabbat ne Mohabbat ko Pukara hai.......

    mishaal bahut acha likha hai

  8. #8
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: Moabbat ne Mohabbat ko Pukara hai.......

    Quote Originally Posted by Safia View Post
    mishaal bahut acha likha hai
    Quote Originally Posted by SanoriTa View Post
    bhttt ziadaya accha likha hai Mishal

    mene parh li puri
    thankyou dear.../happo
    Alhamdullilah

  9. #9
    پاکستانی's Avatar
    پاکستانی is offline تلاش ہے کسی بیگانے کی
    Join Date
    Aug 2009
    Location
    Land of Silence,
    Posts
    2,327
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    21474847

    Default Re: Moabbat ne Mohabbat ko Pukara hai.......

    hmm ok me ne parh li , ab eye drops daloon ga bahad ma
    that was joke , coming to serious point

    Shoroo se Akhir tak parhe ha , aap ne story ko pehle koi aur turn diya , yani larki ki shadi ki tu ma samja ab woh gaye aliyan k hath se , lakin aap ne tu bechare dosre Zaveyar ka Accident hi kar diya ,

    well aik baat kahoo jo me ko lage , k shayed aap movies bohat dekhte hain ya dramas bohat dekhet hain ...


    atleat aap ki apne likhi hoi ha , i appricate you k itne deer
    type ki ,

    agar ma likhta yeh story tu us ki pehle shadi k bahad hi aik ache family life likh deta , na Accident likhta na dobara pehla pyar ,

    by the way let me know k yeh sirf khayali khanai the ya kisi ki orignal story likhe aap ne ?

  10. #10
    Join Date
    Aug 2010
    Location
    multan
    Posts
    226
    Mentioned
    0 Post(s)
    Tagged
    0 Thread(s)
    Thanked
    0
    Rep Power
    8

    Default Re: Moabbat ne Mohabbat ko Pukara hai.......

    excellent words very nice
    keep it up
    Uzair

Page 1 of 2 12 LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •