Jiss Jaga Teri Jafa Ki Intihaa Ho Jayegi
Sabar Ki Meray Wahaan Say Ibtidaa Ho Jayegi


Kiya Khabar Thi Zindagi Sarf-e-Duaa Ho Jayegi

Un Kay Paaney Ki Tamanna Iltijaa Ho jayegi


Ham Ko Ye Ma’aloom Na Tha Qasd-e-Safar Ke Saath Hi

Tum Badal Jaogey, Dunya Bewafa Ho Jayegi


Phool Se Khushboo Uri Tou Uss Ko Andaza Na Tha

Hawa Ke Kheyal Mayn Wo Khoud Bhi Hawa Ho Jayegi


Faasley Barhh Jayenge Youn Ek Zara Si Baat Per

Umer Bhar Ki Dousti Youn Bey Maza Ho Jayegi


Koye Tou Umeed Ka Patwaar Deydo Haath Mayn

Warna Naaow Zindagaani Ki Fanaa Ho Jayegi


Intezaar-e-Yaum- e-Eefaaye- e-Ehad Hota Nahee!

Aap Aajayen,Qayamat Khoud Barpaa Ho Jayegi..