Page 1 of 2 12 LastLast
Results 1 to 10 of 11

Thread: December.....lout aya hai..Collection !!

  1. #1
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default December.....lout aya hai..Collection !!

    December ab kay aao to
    December ab kay aao to
    Tum uss shehr-e-tamanna ki khabar laana
    Kay jis may jugnoo'n ki kehkashaain jhilmilaati hain
    Jahan titlee kay rangoo'n sey fazaain muskuraati hain
    Wahan chaaro'n taraf khushboo wafa ki hai
    Aur uss ko jo bhi pouron sey
    Nazar sey chhoo gaya pal bhar
    Mehek uthaa

    December ab kay aao to
    Tum uss shehr-e-tamanna ki khabar laana
    Jahan per rait kay zarey sitaarey hain
    Gul-o-bulbul, maah-o-anjum wafa kay istiaarey hain
    Jahan dil woo samander hai , jiss kay kaee kinaarey hain
    Jahan qismat ki daive muthiyon mein jagmagaati hai
    Jahan dhakan ki lay per bey-khudi nagmein sunaati hai
    December hum sey na poocho hamaarey sheher ki baabat
    Yahan aankhoun mein guzrey kaarwaan ki gard thehri hai
    Labo'n per al-atsh hain, batan mein faaqey pinaptey hein

    Muhabbat barff jaisee hai yahaan
    Aur dhoop kay khaitoun mein ugti hai
    Yahan jab subah aati hai
    Tou shab kay saarey sapney
    Raakh kay aik dhair ki soorat mein dhaltey hein
    Yahan jazboun ki tooti kirchiyaan aankhoon mein chupbhti hain
    Yahan dil kay lahoo mein
    Apne Laikh'on ko dabo ker ham
    Sunehray khwaab buntey hein
    Phir unn khwaaboun mein jeetay hein
    Inhi khwaaboun pey martey hein

    Dareedah rooh koo lafzoon sey seena goo nahin mumkin
    Magar phir bhi
    December Ab KaY AaOoO Tu
    Tum uss shehr-e-tamanna ki khabar laana.....!!!

    ...........


    !!* BAchpan ka December !!*

    han mujhay yaad haiii
    bachpan ka vo december
    thethertii daltii shamooN main
    anghan ki devar se sarktii dhoop
    jaltay huye koylooN ki mehak
    or meray phatay huye galoOn pr
    lakeerain bnatay,vo jamay huye ansoo...
    asman pr jamtii,vo badlooN ki dhund dekh kar
    ammi ka darvazay pr haray ho kar pokarana
    or ham sabka matti bharay khanchay shambal kar
    apnay apnay gharoon ko bhagna............
    raat bar chup chup kar asmman ko dekh kar
    barf girnay ki duaen karna
    or phr subah phot.tay hi sehan main ghrtii baraf k gallon k sath
    khud ko b ghalooN k sath urtay mehsoos karna
    phr tum aa gyen
    or bachpan ka december bet gya
    tab pehroon ki saraktiithandii dhoop talay
    main tumharii aik jhalak dekhnay k liye
    asmman se ghirtii baraf ki chandnii
    apnay vajood pr sajata raha
    zameen pr bechii iiss chadar pr mere qadmmon ka har nishhaN
    tumharay ghar ki dehleez tak hi jata raha
    Phr vo december b beet gya
    or dekhooo.....
    main ab b ghalii k usi nukar pr kharahhon
    thathartii dhaltii shaam b haii pr sunehrii dhoop nahii saraktii
    waqt jaise tham sa gya hai
    waqt k sitaray mere ballon main chandni bikhair to rahay hain
    per,inhain bhego nahi patay
    ye kaise berfeeli shaam hai
    jis ki sardi mere ansoo jama nahii patii
    jaltay koylay ka dhuaaN ankh to jalata hai
    per iss main vo mehak nahii haiior deko mere ghar ka darwaza....
    pat kholay khara to haiu laikin
    ammi ki daant na janay kahan khoo gye???
    tumharay ghar ki taraf jatay sab hi rastay
    iss qadar sunsaan kyun paray hain
    iss barfeeli shaam main
    orr
    meray bachpan k december main
    kitna farq haii........????

    .........
    "MAIN LOTON GA DECEMBER MAIN"

    December jab bhi ata hai
    wo pagli
    Phir se..
    beetay mausam ko
    yaad karti hai
    purana card parhti hai
    kay jis main us nay likha tha
    main loton ga december main
    naye kaprey banati hai
    wo sara ghar sajati hai
    December kay har aik aik din ko
    wo gin gin kar batati hai
    Joon hi 15 guzarti hai
    woh kuch kuch toot jati hai
    Magar phir bhi
    Purani albums ko khol kar
    Maazi bhulati hai..!!

    Nahi maloom yeh us ko
    Kay beetay waqt ki khushian
    Bohat takleef deti hain
    Mehaiz dil ko jalati hain
    Yunhi din beet jatey hain
    December lot jata hai
    Magar woh khush feham larki
    Dobara say calendar main
    December k mahinay k safey ko
    Mor kar
    Phir se..
    December ki sehar main
    Doob jati hai
    Kay akhir us nay likha tha

    "MAIN LOTON GA DECEMBER MAIN"

    ...........
    December k haseen din thay

    December k haseen din thay

    Murree ki yakh fizaon mein

    Humhare chaar haathon nain

    Mujasma ek banaya tha

    Kaha tha ek dooje ko

    Nishani pyar ki apni

    Bari he khoobsoorat hai

    Mujhe ab yaad aata hai

    Mujasma barf ka tha wo

    Usse aakhir pighalna tha

    Usse to mitt he jana tha

    ..............

    ! December ....ab bhi Tera muntazir Hay .!



    [COlor]! December ....ab bhi Tera muntazir Hay .!

    woh Lamhay............
    Soch Ki Dahleez Pay Tehray Hoy hain !

    December K mahenay main
    Hazaroon Saal Pahlay Jab

    Teray Waday K Honatoon Ne
    meri Ankhoon Say Behtee Zindagi K Hanth Choomay Thay !

    meri Bayrang Batoon K Kinaray
    Tum Nay Kwabon K
    Sahary or Ashkon K Sitaray Rakh Diye Thay !

    aur .......
    Hawa Ko apni Chahat Ki
    Hifazat Kaa Ishara Kar Diya Thaa !

    Hawa Ki Khunkiyon main ab Bhi Teri naram batain
    aahatoon Kaa Jaal Buntee Hian !

    Sama'at ....ab Bhee Teray
    Qahqahon Kaa Shoor Sunti Hay !

    Khayal ab Tak Tumhari Ungliyon Say
    meray Dil K Surkh Ansoo Pochta Hay!

    Nigahain Baraf K Phelay
    chamaktay Kenwas Par Jaa-Bajaa
    Teri Rifaqat Ki Zarorat Paint Karti Hay !

    Tehtartay Paniyon K Tan Pay Bikhri Dhoop
    Tera Bagair rooti Hay
    Kahan Hota Hay Too.......
    Muhabat Ki Sulagtei rahguzar K Kinaray Pay

    December ....
    ab Bhe Tera muntazir Hay !!
    ......
    [COLOR="DarkRed)"]December lout aya hai

    December k dinon mein tum Ne
    Mujh se yeh kaha tha na

    K tanha hun magar phir bhi
    Tumhara sath mein doon ga

    Apnay hath aankhon par meri
    Rakh ker kaha tha na

    Bhari duniya se takra k
    Tumhara sath mein doon ga

    Mujhe aaghosh mein le ker
    Yeh aksar mujh se kehte the

    Koi mushkil jo aye gi
    Tumhara sath mein doon ga

    Na badlon ga kabhi jesay
    Mosam yeh badalte hain

    Badalte mosmon mein bhi
    Tumhara sath mein doon ga

    Tumhari inhi baton se
    Bohat majboor Ho ker mein

    Sab k samne tum se
    Yeh kehna chahti hun

    Tumhare ehad-o-paiman se
    To yeh mosam he achay hain

    Ehad ker k nahin lotay
    Yeh mosam lot aya hai

    December mein kaha tha na
    K wapis lout aaun ga

    Abhi tak tum nahin lotay
    December lout aya hai

    .............
    [COLOR="DarkRed)"]December ki sard ratoon main

    December ki sard ratoon main
    sab apne apne bister per

    jab meethi neend sou rahy hoty hain
    lekin main jag rahi hoti hoon

    bas yunhi chaat ko takttee rehti hoon
    soch ki waadi main utarte hi khyal us ka ata hai

    phir yaad bhi woh ata hy
    yadoon k sath hi ye baat dil main ati hai

    kia woh bhi jagta hoga
    kia mujhy sochta hoga

    kia uski meethi neend bhi
    us se rothti hogi

    kia mujh ko dhoondti hogi
    Sard raton main... !!!

    ..............



    ~~ DECEMBER A GAYA HAY ~~



    Osey kehna December aa gia hi..
    December ke guzarty hee..
    Bars aik aur mazi ki chaao'n me doob jaye ga..
    Osey kehna December Laot aye ga..
    mgr jo khoon so jaye ga jismo'n me..
    Na jagey ga..!
    Osey kehna Hawaie'n sard hen, aur zindagi ke Kuhrey..
    Dewaro'n me Larzaa'n hen..
    Osey kehna shagofey Tehnio'n me so rahy hen..
    Aur un pe barrf ki chaadr bichi hi..
    Osey kehna agr suraj na nikley ga...
    to kaisy barrf piglay ge..
    Osey kehna Laot aye..
    Osey kehna Laot aye..
    Osey kehna December aa gia hi....!

    ...........

    ~!~ DECEMBER ~!~



    Jab bhi sochoon tujhe dard apna barha leti hoon
    phir har naye saal ka suraj dekh kar muskura leti hoon

    Mah December ki sard raatoon ke waadey yaad karke
    thorey thorey ashk ankhoon se apni baha leti hoon

    kabhi jo ankhoon main terey ashk dekhoon
    khuwab ban ke woh tamam ashk chura leti hoon

    yeh adat to husn'o wafa ke qayal jante hain mayri
    ke piyar miley jahan bhi sir apna jhuka leti hoon

    jab bhi koi ghazal terey naam likhoon
    batein likhta hoon tamam magar tera naam chupa leti hoon

    na samjha tu ne mujhe aur na hi mayri mohabbat ko
    naya saal mubarak khush rehne ki tujhe dua deti hoon
    ...........
    [COLOR="Darkred)"]Bheega Bheega Sa Yeh December Hai[/COLOR]

    Bheega Bheega Sa Yeh December Hai
    Bheegi Bheegi Si.. Tanhai Hai
    In Kitaabon Main Jee Nahin Lagta
    Hum Ko Sajni Ki Ya..ad Aai Hai
    Bheega Bheega Sa December Hai

    Shaam Ki Kaali Aankhain Jab Palkon Ko Chapkaati Hain
    Kissi Pair Kay Neechay Kuch Yaadain Gungunaati Hain
    Kuch Pyar Kay Aadhay Nagmay
    Aadhi Pyar Ki Kahaani..
    Aik Shehar Ka Raja..
    Aur Ek Gaon Ki Rani
    Donon Baray Premi Thay
    Ban Main Aaya Kartay Thay
    Unkay Pyar Kay Meethay Nagmay
    Panchi Gaaya Kartay Thay
    Ab Na Premi Hain
    Na Woh Baatain Hain
    Aur Yaadain Hi Apni Kamai Hai..
    In Kitaabon Main Jee Nahin Lagta
    Hum Ko Sajni Ki Yaa..ad Aaaai Hai....

    Is Kamray Ki Khirki Baarish Ka Shor Sunati Hai
    Aur Tumhari Aahat Hum Ko Yeh Rog Lagaati Hai..
    Ab Kay Saal December Main Jab Ban Main Mein Jaoon Ga
    Neeli Jheel Darakhton Kay Saayay Aur Sookhay Pattay
    Saaray Tera Poochain Gain
    Kahan Hai Tera Poochain Gain
    Tera Premi Yaar Kahan Hai
    Saaray Tera Poochain Gain
    Kya Bataoon Ga
    Kya Kahaani Hai
    Ab To Qismat Main Apni Judai Hai..
    In Kitaabon Main Jee Nahin Lagta
    Hum Ko Sajni Ki Yaa..ad Aai Hai...

    Shaam Dhallay Jab Panchi
    Apnay Apnay Ghar Jaatay Hain
    Koi Mujhay Batlayay
    Mujhko Yeh Kyun Tarpaatay Hain
    Mainay Bhi Ek Sapna Dekha Tha Apnay Ghar Ka..
    Kho Na Jaye Mera Panchi
    Lekin Mujhko Darr Tha
    Mera Yeh Afsaana Hai
    Saara Yeh Afsaana Hai
    Mera Panchi Rasta Bhoola
    Pagal Hai Anjaana Hai
    Tu Gaya Hai To
    Mainay Jaana Hai
    Mera Dil Ab Bhi Tera Deewana Hai
    In Kitaabon Main Jee Nahin Lagta
    Humko Sajni Ki Ya..ad Aai Hai...

    Bheega Bheega Sa Yeh December Hai
    Bheegi Bheegi Si.. Tanhai Hai
    In Kitaabon Main Jee Nahin Lagta
    Hum Ko Sajni Ki Yaa..ad Aai Hai...



    ...................
    [COLOR="Dark Red"]ye kesa Alwidai geet gaaya december ne[/COLOR]

    ye kesa Alwidai geet gaaya december ne
    jatey jatey nargissi mausam ko rulaya
    khain pe lalazar banya
    gulab motia chambeli se
    tulip ki larioon se goond ke
    pyar ke rangoon se sainch ke
    parioon si khawishoon ke jhoormat
    main
    hamrieen laboon pe
    duaaon ke alwidi kalmaat
    tum hamesh raho mere saat
    marmareen hatehlioon pe naii
    umeedoon ke roshan chiragh
    sadioon se chand ke devi
    kaat rahi hai charqha
    narm narm galoon se
    prem ki dhank se dhunak rahi hai
    hur ane wali subha ko
    Rub ne dia hai sub ko ye hi ++++++
    ajj jati december ki sham
    insaanyat ke naam
    mohabbat azaadi shanti amaan hai
    sub ki jaan
    nafratoon ko kar do tammam
    choti se hasti hai ye
    pyar se basti hai
    hamesha se hai
    hamesha rahingain
    Main or Nelaa Asmman

    ...........
    Woh aakhri december .........Yaad aata hay ..!!

    Chalo khatam hoi aaj say dastaan-E-muhabbat
    Ab hum tareekh-e-wafa main tera naam kanda kertey hain

    Chalo aaj say hum chahat k zanda'n main muqeed huy
    Teri yaad k sehra main dard-E-maazi ki wa'eed huy

    Chalo ab kitaab-e-zeest se awraq-e-wafa palat'tay hain
    K ab hum "wafa" ko jafa likhaingay , saza likhaingay

    K ab hum apni bheegi january ki shuru'aat
    Teray bakhsay huy azaab-e-tanhai se kertaY hain

    Chalo ab teri muhabbat ki umar qaid muqaddar hoi
    (k hum ko wafa nibhanay ki saza to milni thi)

    Chalo ab hum apney haathon ki lakeero'n say
    Tera aks-e-jaa'n mita daingay

    Qalb-e-jaa'n main saji tasveer-E-muhabbat . . ..
    Shab ki tanhai main chupke say hata daingay

    Is per bhi sehar koi gham nahi hota
    K hum ko zamane main teri ruswai manzoor nahi
    Shayad isi liye yeh lehja gham nahi hota

    Mgr jab faseel-E-jaa'n say saans ukharti hay to
    Aise main hum Aseer-E-muhabbat
    Phir say ahd-E-wafa duhranay lagtay hain

    Itneay zakhm kha kar bhi
    nishtar jaan ko teri ankhon ka
    Surmai samandar yaad aata hay

    Aisay main hum dair tak mazar-E-muhabbat per
    Noha giri kertay hain , aahain bhartay hain

    Aise main yaad-E-maazi ki her yaad
    Nakhl-E-yada'n say mehev hojati hay

    aisay main bas december ki
    Siskiyan leti hoi sard tareek yaad ka
    alvidaii manzar yaad aata hay

    aisay main humain tu bhi nahi teri chahat bhi nahi

    Bass woh muabbat ka aakhri december yaad aata hay

    Haan bass woh aakhri december .........Yaad aata hay ..!!

    ........
    Dekh December Ab Mat Aana

    Dekh December Ab Mat Aana
    Dekh December Mere Ander
    Kitnay Sehra Phail Chukay Hain
    Tanhayi Ki Rait Ne Mere
    Saaray Darya Paat Diye Hain
    Ab Main HOOn
    Aur Mere Banjar Pun Ki BOjhalta Hay
    Dekh December
    Teri BarFaab ShabOOn Mein
    Teri BeKhuwab ShabOOn Mein
    Khuwab Sweater KOn Bunay Ga
    ROOh k Ander Girti Barfein KOn Chunay Ga
    Dekh December Ab Mat Aana
    Aur Agar Tu Aye b TO
    Apnay Dukh Ki Baraf Pehan Kar
    DhOOp DiyarOOn Tak Mat Jana
    Mere PyarOOn Tak Mat Jana
    Dekh December Ab Mat Aana

    .............
    December kay maheenay ka Akhri Din

    December kay maheenay ka
    WOh shayad akhri din tha
    Baras guzray kayii
    Main nay "mOhabbat" lafz likha tha
    KOi kaghaz k tukray par
    Achanak yaad aya hai
    Mujh kO kisi say baat karni thi
    Ussay kehna tha
    Jan-e-jaan
    "mujhay tum say mOhabbat hai"
    Magar main keh nahi payi
    WOh kaghaz aj tak
    Lipta para hai dhOOl main lekin
    Kisi kO day nahi payi
    DObara chah kar bhi main
    MOHABBAT KAR NAHI PAYi




    ........
    Tum Meri Aankh Ke Tewar Na Bhula Paao Gi

    Tum Meri Aankh Ke Tewar Na Bhula Paao Gi

    Ankahi Baat Ko Samjho Gi To Yaad Aaoun Ga

    Hum Ne Khushiyon Ki Tarah Dukh Bhi Akhatte Dekhe Hain

    Safah_E_Zeesat Ko Palto Gi To Yaad Aaaoun Ga

    Isi Andaaz Main Hote Thay Mukhaatib Mujh Se

    Khat Kisi Aur Ko Likho Gi To Yaad Aaaoun Ga

    Sard Raaton Ke Mahakte Huye Sanaaton Main

    Jub Kisi Phool Ko Choomo Gi To Yaad Aaaoun Ga

    Ab Talak To Tere Ashk Main Honton Se Chura Leta Hoon

    Haath Se Inhein Khud Poncho Gi To Yaad Aaaoun Ga

    Shaal Pehnaaye Ga Ab Kaun December Main Tumhein

    Baarishon Main Bheego Gi To Yaad Aaaoun Ga

    Aaj Tum Mehfil_E_Yaaraan Pe Ho Magroor Bohot

    Jub Kabhi Toot Ke Bikhro Gi To Yaad Aaaoun Ga

    Haadse Aayein Ge Jeewan Main To Tum Ho Ke Nidhaal

    Kisi Deewar Ko Thaamo Gi To Yaad Aaaoun Ga

    Is Main Shaamil Hai Meri Bakht Ki Taareeki Bhi

    Tum Siyaah Rang Jo Pehno Gi To Yaad Aaaoun Ga
    [/COLOR]

    .................



    Aao beth jayen chand lamhe December ki is dhoop main
    Kya pata agley baras hum ko ye mayeser ho ya na hoa

    ...........
    December ka Intezaar

    [COLOR]ye koi GHAZAL nahi koi NAZAM han mager 1 haqeqat hay.

    Bohat shidat se intezar rehta hay mujhey DECEMBER ka.
    Wese tu sab mosamon se pyar hay mujhey
    lakin DECEMBER se khas lagao hay mujhey
    is ki wajah ye hay k jab wo pechle saal DECEMBER main pardes ko jane laga tha tu
    usne mujhse kaha tha k wo DECEMBER main hi wapis aye ga.
    yehi wajah hay k DECEMBER se pyar hay mujhey.
    DECEMBER aa gaya hay ab Dil bohat beqarar rehta hay.
    Jab se wo gaya hay na tu uska koi Phone aya hay na koi Khat.
    Shayed wo achanak Mujhey aa ker mujhey hairan kerna chahta hay.
    Main pagli uska bohat intezar kerti hun
    DECEMBER main ane ka Wada jo kiya tha usne
    Aaj DECEMBER ka akhri din hay.Saal aur DECEMBER dono borhe ho gaye hain.
    Yunhi surkh naak hay meri
    Tum to jante ho na Sardi bohat hay
    Ankh main bus intezar hay
    Main us ki yaad main bilkul nahi roi
    Han bus us ke palatne ka intezar ker rahi hun Shayed us ne agle DECEMBER ka kaha ho ga.
    Akhir wo Pardes main gaya hay char pese kamane k liye.Lotne main Takhir tu ho sakti hay.
    Yeh mujhey tu maloom hay k wo apni zuban ka khara hay.
    Us ne kaha tha ke wo DECEMBER main hi aye ga.Lakin sath main us ne saal ka nahi bataya tha
    Wo DECEMBER 2009 ka ya 2010 ka ya kon se saal ka ho ga.
    Bus itna yaad hay k usne kaha tha
    K wo DECEMBER main hi Lote ga
    Abi pechle 11 mahine DECEMBER ke intezar main tanha kate hain.
    Ab aur 11 maah ka intezar Oooooh Mere RABA!
    11 mahine tu kat hi jayen ge lakin December un 11 mahino se b lamba hota hay Intezar ka tu Aik aik lamha bohat lamba hota hay.
    akhir mere kehne per DECEMBER na tu January ki jaga tu nahi aye ga aur na hi there ga.
    Chalo jahan 1 DECEMBER beet gaya wahan 1 aur DECEMBER ka intezar kerte hain.
    Akhir hum un se Pyar kerte hain.DECEMBER tu aye ga hi us ka pata nahi.

    [/COLOR]



    .............


    DECEMBER LoT AaYa Hai..

    [COLOR]December Lot Aaya Hai
    Tumhare Lot AaNaY Ki Nayi Umeed JaGi Hai
    Abhi Pichly Baras Tumne
    Mere Haathon Pe Rakh K Haath
    Haya Se Mouh Chupaya Tha
    Abhi Pichly Baras Hi To
    December K Mahiny Main
    Tumhain Baahon Main Thama Tha
    Aur April Aany Tak
    Tumhari Jheel Ankhon Main Naya Sapna Sajaya Tha
    Mere Choty Se AnGan Main
    Tumahain Wehshat Si Hoti Thi, Mujhe Tumne Bataya Tha
    Kisi Ki Qaid Main Rehna Mujhe Acha Nahi Lagta
    Main Aik Aazaad Panchi Hoon
    Suna Hai Phir Se Tanha Ho
    Setember K Mahinay Main
    Aise Boht Khamosh Rehte Ho
    K Jis Ko Tumne Chaha Tha
    Wafa K Naam Se Osko Boht Wehshat Si Thi
    Wo Aik Aazaad Panchi Tha
    Kisi Ki Qaid Main Rehna Ose Acha Nahi Lagta
    Suna Hai Mere AanGan Ki
    Tumhain Ab Yaad Aati Hai
    Suna Hai Tum PAsheMa'aN Ho
    Chalo Phir Aisa Karte Hain
    December Ka Mahina Hai
    Naya AaGhaZ Karte Hain
    Tumhain Baahon Main Le Loon Main
    Mere Seenay Pe Sar Rakh K
    Haya Se Mouh Chupa Lo Tum
    DECEMBER Lot AaYa Hai..
    [/COLOR]


    ...........

    ChandNi DECEMBER Ki



    Raat Osne Poocha Tha
    Tum Ko Kaisi Lagti Hai
    Chandni December Ki..?
    Mene Kehna Chaha Tha
    Saal-O-Maah K Baaray Main
    Guftagu K Kya Maainay..
    Chahay Koi Manzar Ho
    Dasht Ho, Samandar Ho
    June Ho, December Ho
    Dharkano Ka Her Naghma
    Man'zaro Pe Bhari Hai
    Saath Jab Tumhara Ho
    Dil Ko Ek Sahara Ho
    Aisa Lagta Hai Jaise
    Ek Nasha Sa Taari Hai

    Lekin Os Ki Qurbat Main
    Kuch Nahi Kaha Mene
    Takti Reh Gai MUjh ko
    Chandi DECEMBER ki.. !!
    [/COLOR]


    .......................
    Abhi lamhe nahi bikhre

    Abhi lamhe nahi bikhre
    Abhi mosam nahi bichre
    Mere kamray ki thandak me
    Abhi kuch dhoop baqi hay
    Meri diary k kuch safhay
    Abhi kuch keh nahi paye
    Mere angan k sab poday
    Abhi bhi gungunate hain
    Mere be-jaan hoonton per
    Abhi muskaan waisi hay
    Kisi k laut aanay ka
    Abhi imkaan baqi hay
    December !
    Aik baat boolun main,
    Agar tum maan jao,
    December !
    Tehar jao.!!!
    Tehar jao.!!!



    ............
    Hamare haal par Roya
    December


    Hamare haal par Roya
    December

    Wo dekho toot kr barsa
    December

    Guzar jata hai sara sall yun to

    nhi kat'ta magar tanha
    December

    bhala barish se kya serab ho ga?

    tumhara wasl ka pyasa
    December

    wo kab bichra? nhi ab yaad lakin

    bus itna ilm hai ke tha
    December

    yu palkain bheegti rehti hain aise

    meri aankhon main jesy aa thehra
    December

    Jama ponji yehi hai umer bharki

    meri tanhai aur mera
    December !!

    Regards:Mishaal ahmed
    [/COLOR]
    [/COLOR]
    Last edited by мιѕнααℓ; 15-12-2010 at 05:05 PM.
    Alhamdullilah

  2. #2
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: December.....lout aya hai..Collection !!

    jitni bhi thi meri diary mein sab sd aur fpk par post kar di..

    Allah Allah khair sala.................
    Alhamdullilah

  3. #3
    Join Date
    Jul 2010
    Location
    Karachi....
    Posts
    31,280
    Mentioned
    41 Post(s)
    Tagged
    6917 Thread(s)
    Thanked
    0
    Rep Power
    21474875

    Default Re: December.....lout aya hai..Collection !!

    beautiful collectioN MIShhhhhhhh:Rosee:
    bhtt khoobsurat hain sab:hug 1:

    jo tittle name hain wo kiisi or colour se set kar lo na sab mixxx ho raha hai:soch:


    Ik Muhabbat ko amar karna tha.....

    to ye socha k ..... ab bichar jaye..!!!!


  4. #4
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: December.....lout aya hai..Collection !!

    Quote Originally Posted by SanoriTa View Post
    beautiful collectioN MIShhhhhhhh:Rosee:
    bhtt khoobsurat hain sab:hug 1:

    jo tittle name hain wo kiisi or colour se set kar lo na sab mixxx ho raha hai:soch:
    thanks....

    ahan ok
    Alhamdullilah

  5. #5
    Join Date
    Oct 2010
    Location
    pakistan
    Posts
    1,238
    Mentioned
    0 Post(s)
    Tagged
    338 Thread(s)
    Thanked
    0
    Rep Power
    21474845

    Default Re: December.....lout aya hai..Collection !!

    very nice

  6. #6
    Join Date
    Oct 2009
    Location
    Failed State
    Posts
    50,102
    Mentioned
    2 Post(s)
    Tagged
    34 Thread(s)
    Thanked
    25
    Rep Power
    21474895

    Default Re: December.....lout aya hai..Collection !!

    bohat acha selection. .ismei add karti rehna..
    thank u

  7. #7
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: December.....lout aya hai..Collection !!

    Quote Originally Posted by shaista rao View Post
    very nice
    Quote Originally Posted by Killer View Post
    bohat acha selection. .ismei add karti rehna..
    thank u
    thankyou both

    @killer

    hmm taqreeban sari december ki poetries ho gayin hain agar mazeed mili tu kar dun gi...
    Alhamdullilah

  8. #8
    Join Date
    Mar 2010
    Location
    *In The Stars*
    Posts
    18,093
    Mentioned
    1 Post(s)
    Tagged
    1271 Thread(s)
    Thanked
    0
    Rep Power
    21474862

    Default Re: December.....lout aya hai..Collection !!

    zaberdast collection mish.........
    /up/up/up/up/up/up/up




    Yahi Dastoor-E-ulfat Hai,Nammi Ankhon,
    Mein Le Kar Bhi,

    Sabhi Se Kehna Parta Hai,K Mera Haal,
    Behter Hai...!!


  9. #9
    Join Date
    Mar 2010
    Location
    Karachi,Pakistan
    Posts
    11,803
    Mentioned
    0 Post(s)
    Tagged
    16 Thread(s)
    Thanked
    2
    Rep Power
    21474855

    Default Re: December.....lout aya hai..Collection !!

    Quote Originally Posted by seven tiles View Post
    zaberdast collection mish.........
    /up/up/up/up/up/up/up
    thanks guriya
    Alhamdullilah

  10. #10
    Join Date
    Dec 2010
    Location
    uae
    Posts
    326
    Mentioned
    0 Post(s)
    Tagged
    109 Thread(s)
    Thanked
    0
    Rep Power
    21474844

    Default Re: December.....lout aya hai..Collection !!

    boht hi nice collection...
    ButterflyGirl - December.....lout aya hai..Collection !!
    titlion ko barish main kun pakrna chahon main
    ye mairi odasi ko kam to kar nahe sakteen

Page 1 of 2 12 LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •