Poetry By precious_pearl (meri apni poetry)

[precious_pearl]

tera jub kabhi mujh say saamna ho ga
rub jaanay wo manzar bhi kiya manzar ho ga

qadam qadam pay sitaray jagmaga uttein gay
teray chaand say maathay pay bhi paseena ho ga

teri khusboo se meray dil o damagh mehak utthein gay
khushi kay maray teri aankhoun mein bhi paani ho ga

shaam dhaltay hi tou meray khayaaloun mein uttar aata hay
mujhay yaqeen hay tanhaai mein tou mujhi ko yaad karta hoga

[precious_pearl]

khusboo teray aanchal se jo hawaaoun ney udaayi
ulfat ki kali dil mein meray teri adaoun ney khilaayi


tham tham key barasna kabhi cham cham key barasna
sawan ko yeh adaa bhi teri aankhoun ney sikhaayi


ajab sa rooh pey nasha hey ab to raat din
ghazab ki thi wo shey jo teri nighahoun ney pilaayi


qaidi teri zulfoun ka ban jana chahta hey yeh dil
issay umr bhar ki asseeri hi chahiyae na key rehaayi


waqt-e-wasal hum shukr-e-Khudaa hi karein gey jaanan!
wo ghadi bhi hogi apni duaaoun sey jo aayi

[~*~Mehar~*~]

ahaan bht khoob

acha likha hai...

keep sharing ...ainda b app ki sharing ka intazar rahy ga..

[precious_pearl]

Tashnagi-e-dil ko us ney kabhi bhujayaa hi naheen
Wo mah rukh khul key kabhi samnaye aaya hi naheen

Deewangi sey khuch kum bhi naheen apni justjoo
Shayad apni duaaoun mein asar abhi aaya hi naheen

Muhabbat bhi badi ajab shey thehri aaye dosto!
Taalib-e-wafa bhi hey aour kabhi azmaya bhi naheen

Dil ney ussay apna hi mana hey har soorat aye Sakhir
Wo jo apna naheen ab tak magar paraya bhi naheen

[ArAbIaN gIrL]

bohat acha likha hia

[precious_pearl]

Muddat Mein Phir Us Ka Saamna Acha Laga
Nazar Miltaye Hi Dil Ka Machalna Acha Laga

Maray Sharm Key Uska Nigahein Jhukana Acha Laga
Girtay Howaye Aanchal Ko Utthana Acha Laga

Khuch Kaehnay Key Liyae Uskay Chehray Pe Wo
Dilnasheen Hountoun Ka Kapkapana Acha Laga

Wo Mera Khuch Ghabraye Jaana Acha Laga
Band Hountoun Sey Uska Muskurana Acha Laga

Meray Mukhatib Hotaye Hi BeyKhudi Mein Uska
Chehray Ko Haathoun Mein Chupaana Acha Laga

Waqt-e-Rukhsat Uss Mah Rukh Ka Aaye Sakhir
Jaataye Jaataye Haath Hilaana Acha Laga

[naz]

[~*Heer*~]

sab hi bhht bht khoob likha hay

keep writting

[precious_pearl]

aap sub dostoun ka bohat shukriya key aap ney meri kawishoun ko na sirf pasand kiya balkey sarahaa bhi.

i m really grateful to you my friends for such nice appreciations from you.

precious_pearl

[withlove]

tham tham key barasna kabhi cham cham key barasna
sawan ko yeh adaa bhi teri aankhoun ney sikhaayi

wahhhhhh kya kehnay.. janab-e-Shakir.. aap ki sabhi shayeri khoob hai daad qabool kijiye.. aur share kertay rahiye.. magar eik arz thi.. ke aap apni her ghazal eik alag thread mein lagayen.. to zayada behter hoga.. hum yahan ke moderator to nahi .. magar moderator ki shayad abhi nazar nahi pari so hum hi bata rahay hein.. iske liye maazrat.. Bohat Shukria..

wafa aur dua ke saath
withlove