Aroos Watan Ke Rukh Pe Ghaza Laho Ka Hai

**sarfraz_qamar** · 24-06-2012, 12:59 AM

عروس وطن کے رخ پہ غازہ
لہو کا ھے

مدتیں ھو گئیں کچھ لکھا نہیں ، آنکھیں جو دکھاتی ھیں ذھن اسےماننے سے انکاری ھے، شاید یہ فضاؤں میں پھیلے ھوئے اس نادیدہ زھر کا اثر ھے جو ھم سب کو اپنی لپٹ میں لے رھا ھے، مروت، پیار، وفا، ایثار ، دوستی، ھمدردی اور احساس نے اپنے پرانے لبادے اتار کر نۓ چولے پہن لۓ ھیں،نفسا نفسی کی ایک ایسی ھوا چلی ھے، جس نے ھم سے ھماری شناخت بھی چھین لی ھے، بے چہرگی نے بے بسی کو اور بڑھا دیا ھے، تیرگي ھے کہ امڈی چلی آرھی ھے، میرے سارے حوالے ایک ایک کر کے ھاتھ سے چھوٹے جا رھے ھیں بے سمتی کا سفر رکنے کانام نہیں لے رھا، سوچیں شاید برف بن گئ ھیں ، اور الفاظ ھیں کہ دھواں بن کے فضاؤں میں تحلیل ھو گئے ھیں، سو اس دھند اور یخ بستگی میں کوئ لکھے بھی تو کیا،

تیرگی نگل رھی ھے
میری زمین کےسبھی حوالے
منا کے لاؤ وہ سارے جگنو
جو روشنی کے امین تھے لوگو

شاھین کاظمی