مات پر مات کا انجام

**sooni** · 01-08-2012, 01:21 AM

رابطے اور بھی بڑھتے ہی گئے
رتجگے اور بھی بڑھتے ہی گئے

اُس کی قربت کا فسوں جاگا تو
فاصلے اور بھی بڑھتے ہی گئے

بالمقابل ہوئی منزل تو کُھلا
راستے اور بھی بڑھتے ہی گئے

لاکھ چاہا کہ سُلجھتے لیکن
مسئلے اور بھی بڑھتے ہی گئے

جس قدر ان کا مداوا ڈھونڈا
آبلے اور بھی بڑھتے ہی گئے

راہزن تھک گئے رفتہ رفتہ
قافلے اور بھی بڑھتے ہی گئے

ٹوٹ جاتے تو بھرم رہ جاتا
سلسلے اور بھی بڑھتے ہی گئے

باہمی ربط جو گھٹتا ہی گیا
تو گِلے اور بھی بڑھتے ہی گئے

مات پر مات کا انجام بتول
حوصلے اور بھی بڑھتے ہی گئے