Results 1 to 4 of 4

Thread: سری دیوی اورناسٹیلجیا کی موت

  1. #1
    Join Date
    Mar 2018
    Location
    Kion Bataon
    Posts
    16
    Mentioned
    14 Post(s)
    Tagged
    0 Thread(s)
    Thanked
    3
    Rep Power
    0

    Default سری دیوی اورناسٹیلجیا کی موت

    ١٥سے 25 سال تک کی عمر خوشخبریوں سے لبریز ہوتی ہے۔ حالات کیسے ہی کیوں نہ ہوں مجموعی طور پر اس عمر میں خوشگوار اطلاعات ہی موصول ہوتی ہیں مثلاً خالہ کے ہاں بیٹا پیدا ہوا ہے‘چھوٹے ماموں کی شادی ہوگئی ہے‘ چاچو نے نیا گھر بنایا ہے وغیرہ وغیرہ۔ اس عمر میں کزنز ہوتے ہیں‘ شرارتیں ہوتی ہیں‘ بے فکری ہوتی ہے ‘ محدود مدت کی لڑائیاں ہوتی ہیں اورہر وقت زندگی کے ہونے کا احساس رہتا ہے۔ جونہی عمر ٤٠ سے زیادہ ہوتی ہے ‘ اطلاعات کی نوعیت بدل جاتی ہے۔ دوست‘ احباب‘ پیارے‘ رشتے ناطے بچھڑنے کی اطلاعیں معمول بن جاتی ہیں اورآئے دن کوئی نہ کوئی اندوہناک سانحہ سننے کو ملتا ہے۔
    ٨٠کی دہائی میں سب سے زیادہ خوش قسمت وہ بندہ شمار ہوتا تھا جس کے گھر وی سی آراور رنگین ٹی وی ہوتا تھا۔جن کے گھر یہ نعمت موجود نہیں تھی وہ وڈیو سنٹر سے کرائے پر لے آتے تھے اور پورا خاندان صحن میں بیٹھ کر فلم دیکھتا تھا۔پاکستانی فلم کیسٹ پر بہت کم دستیاب ہوتی تھی البتہ انڈین فلموں کی فراوانی تھی۔تکنیک کے اعتبار سے بھی چونکہ انڈین فلمیں زیادہ بہتر ہوتی تھیں اس لیے سب کی ترجیح یہی فلمیں ہوا کرتی تھیں۔اُس وقت کی جنریشن سری دیوی کے عشق میں مبتلا تھی۔ شائد ہی کسی کو علم ہو کہ اس دھان پان سی شرارتی اور معصوم شکل اداکارہ کا اصل نام ’اما ینگر ایاپن‘ تھا لیکن وہ سب کے لیے سری دیوی تھی۔
    چاندنی‘ لمحے‘ جدائی‘ چال باز‘ مسٹر انڈیا‘ ناگن‘ گمراہ ‘ نگینہ‘ خدا گواہ اور لاڈلاجیسی فلمیں ریلیز ہوئیں تو ’وی سی آر جنریشن‘ پاگل ہوگئی۔یہ تب کی بات ہے جب جمعہ کی چھٹی ہوا کرتی تھی۔جمعرات کو عموماً کسی نہ کسی گھر میں کرائے کا وی سی آر بک ہوتاتھا اور پہلی ترجیح سری دیوی کی فلم ہوتی تھی۔وہ خوبصورت بھی تھی‘ چلبلی بھی اورنٹ کھٹ بھی مجھے یاد ہے اُس دور میں ہر دوسرا نوجوان سری دیوی کے عشق میں مبتلا تھا۔یہ وہ وقت تھا جب’ نیشنل ‘کا ٹیپ ریکارڈر سب کی جان ہوا کرتا تھا۔ ایک بٹن دبانے سے اس کا کیسٹ والا حصہ آگے کو کھلتا تھا اور پھر اس میں کیسٹ ڈال کر پلے کا بٹن دباتے ہی’’ہوا ہوائی‘ چل پڑتا تھا۔ناممکن تھا کہ بارہ گانوں والی کیسٹ میں کوئی گانا سری دیوی کی فلم کا نہ ہو۔ یہی وہ ناسٹیلجیا ہے جس نے آج سری دیوی کی موت کی خبر سنتے ہی دکھ میں مبتلا کر دیا۔۔۔
    ٣٠٠سے زائد فلموں میں نظر آنے والی سری دیوی کے جانے سے ایک دم وہ سارا منظر ذہن میں گھوم گیا ہے جب اس بات پر آپس میں تحقیق ہوا کرتی تھی کہ جب سری دیوی گانے کے دوران رومانٹک ہورہی ہوتی ہے تو کیا اس دوران ہیرو کے جذبات کو کچھ نہیں ہوتا؟ یاد کیجئے ! جب ہم سری دیوی کی فلمیں دیکھا کرتے تھے تو مجال ہے کوئی سین مِس ہوجائے۔ یہ فلمیں آج بھی پوری ترتیب کے ساتھ ہمارے ذہنوں پر نقش ہیں۔اپنی جسامت کی طرح پتلی آواز والی سری دیوی جب کسی سین میں منہ چڑا کر بولتی تھی تو فلم دیکھنے والوں کے چہرے بھی کھل اٹھتے تھے۔
    ١٩٩٦ میں پتا چلا کہ اُس نے فلم پروڈیوسر بونی کپور سے شادی کرلی ہے۔ اس کے ایک سال بعد اس کی فلم ’جدائی ‘ ریلیز ہوئی اور پھر وہ فلموں سے کنارہ کش ہوگئی۔ کافی عرصے بعد جب ایک شو میں اس کی انٹری ہوئی تو اب اس کی آواز کافی بھاری ہوچکی تھی لیکن پتا چلا کہ وہ پھر سے فلموں میں آرہی ہے۔ پرانے شائقین کے دل پھر سے دھڑک اٹھے۔ ’انگلش ونگلش‘ اور ’مام‘ میں اسے دیکھا تو ساری پرانی یادیں تازہ ہوگئیں۔وہ اب ویسی نہیں رہی تھی لیکن اس سے کیا فرق پڑتا تھا۔۔۔دیکھنے والے بھی تو ویسے نہیں رہے تھے۔ہیروئین کی فلمی عمر بہت کم ہوتی ہے ‘ لیکن یہ آج کا فارمولا ہے۔ سری دیوی نے طویل عرصے تک اسکرین پر حکومت کی ۔
    جن دنوں سری دیوی کے چرچے تھے ان دنوں متھن چکر ورتی بھی بطور ہیرو ا سکرین پر چھائے ہوئے تھے۔ دونوں میں محبت کے چرچے عام ہونے لگے۔فلمی دنیا میں کسی نئی ہیروئین کا اچانک کسی ہیرو کے ساتھ افیئر ہوجانا نئی بات نہیں۔ متھن اس وقت کا سپر اسٹار تھا اور سری دیوی بھی اسے پسند کرتی تھی۔ 1985 میں دونوں کی شادی ہوئی جو زیادہ عرصہ چل نہ سکی اور محض تین سال بعد دونوں کا دل بھر گیا۔اس سانحے نے سری دیوی کو اچانک سے ’سمجھدار‘ بنا دیا۔ اسے پتا چل گیا تھا کہ بطور ہیروئین وہ تب تک ہی چل سکتی ہے جب تک شادی جیسے بکھیڑوں میں نہ پڑے۔ اگلے آٹھ سال اس نے اسی فارمولے پر عمل کیا اورطوفانی کامیابیاں سمیٹیں۔۔۔
    لیکن اب ا سکرین بدل رہی تھی‘ جدت آرہی تھی‘ کچھ نئی اور خوبصورت ہیروئنز یکدم نمودار ہونا شروع ہوگئی تھیں لہذا سری دیوی کو بھی احساس ہوگیا کہ اب اسے بہرحال کوئی نہ کوئی مضبوط سہارا ضرور تلاش کرلینا چاہیے۔ انیل کپور اور سنجے کپور کے بڑے بھائی بونی کپور اُن دنوں فلم انڈسٹری کے پروڈیوسر کے طور پر سری دیوی کے کافی قریب تھے اور اسے پسند بھی کرتے تھے۔ چوائس بری نہیں تھی لہذا سری دیوی کو بھی کوئی اعتراض نہ ہوا۔ یوں میاں بیوی کے رشتے کا آغاز ہوا جو سری دیوی کی موت تک برقرار رہا ۔ بونی کپور سے سری دیوی کی دو بیٹیاں ہیں جھانوی اورخوشی۔
    ٥٥ سال کی عمر میں ہمارے ناسٹیلجیا کی موت ہوگئی۔سری دیوی ہمارے ماضی کی خوشگوار یاد تھی۔ اس کی فلمیں ہمیں پرانے رستوں کی طرح یاد تھیں۔یہ اُن ہیروئینز میں سے تھی جنہیں 80 کی نوجوان نسل خوابو ں میں دیکھا کرتی تھی۔تب بھی آج کی طرح جب کسی کی شادی ہوتی تھی تو لڑکی کی شکل کاحوالہ کسی فلمی ہیروئین کی مشابہت سے دیا جاتا تھا۔ جن لڑکیوں کی مشابہت سری دیوی سے ہوتی تھی وہ اپنی قسمت پر ناز کرنے لگتی تھیں۔اُس وقت کی ’سری دیویاں‘ آج مائیں بن چکی ہوں گی لیکن انہیں بھی اپنے عہد کی سپر اسٹار کی موت پر یقیناًدکھ ہوا ہوگا۔
    سری دیوی کا حوالہ بھارت نہیں‘ فلم تھی۔ وہ فلم جو اپنے اندر ایک رومانس رکھتی ہے اور دیکھنے والوں کے دلوں کو گدگداتی رہتی ہے۔سری دیوی کو چاہنے والے دنیا بھر میں موجو د ہیں‘ یہ سب ’وی سی آر‘ دور کی پیداوار ہیں۔ ان کے ناسٹیلجیا سے سری دیوی کا عکس نکالنا ناممکن ہے۔ عمر کا وہ حصہ شروع ہوچکا ہے جب پیاروں اور پسندیدہ لوگوں کے بچھڑنے کی خبریں تواتر سے آنے لگی ہیں۔ان میں کئی لوگ ایسے ہیں جن سے ہم زندگی بھر نہیں ملے ہوتے ‘ کبھی گفتگو نہیں کی ہوتی لیکن پھر بھی وہ ہماری زندگی کے خوبصورت دور کا ایک حصہ ہوتے ہیں۔ان سے کئی یادیں وابستہ ہوتی ہیں‘ ان کے حوالے سے کئی حوالے جڑے ہوتے ہیں۔ سری دیوی سے بھی تمام تر ملاقات 14 انچ کے ٹی وی تک محدود رہی جس میں صر ف وہ بولتی تھی اور ہم سنا کرتے تھے۔اس کے باوجود ایسا لگتا تھا جیسے ہم ایک دوسرے کو اچھی طرح سے جانتے ہیں۔ آج پہچان کا یہ سلسلہ بھی ختم ہوا۔




    بشکریہ …… گل نوخیز اختر

  2. #2
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default

    اچھا جی ۔۔۔۔۔۔۔۔۔۔۔۔۔۔۔۔۔۔
    2gvsho3 - سری دیوی اورناسٹیلجیا کی موت

  3. The Following User Says Thank You to intelligent086 For This Useful Post:


  4. #3
    Join Date
    Mar 2018
    Location
    Kion Bataon
    Posts
    16
    Mentioned
    14 Post(s)
    Tagged
    0 Thread(s)
    Thanked
    3
    Rep Power
    0

    Default

    Quote Originally Posted by intelligent086 View Post
    اچھا جی ۔۔۔۔۔۔۔۔۔۔۔۔۔۔۔۔۔۔

    Yup.... if i am not wrong you wohi hain jo wahan hain????

  5. #4
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default

    Quote Originally Posted by smartguycool View Post
    Yup.... if i am not wrong you wohi hain jo wahan hain????
    جی بالکل صحیح پہچانا
    2gvsho3 - سری دیوی اورناسٹیلجیا کی موت

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •