Results 1 to 4 of 4

Thread: بنجارہ

  1. #1
    Join Date
    May 2018
    Location
    Searching...
    Posts
    692
    Mentioned
    0 Post(s)
    Tagged
    390 Thread(s)
    Thanked
    209
    Rep Power
    3

    Default بنجارہ



    میں بنجارہ

    وقت کے کتنے شہروں سے گزرا ہوں

    لیکن

    وقت کے اس اک شہر سے جاتے جاتے مڑ کے دیکھ رہا ہوں

    سوچ رہا ہوں

    تم سے میرا یہ ناتا بھی ٹوٹ رہا ہے

    تم نے مجھ کو چھوڑا تھا جس شہر میں آ کر

    وقت کا اب وہ شہر بھی مجھ سے چھوٹ رہا ہے

    مجھ کو وداع کرنے آئے ہیں

    اس نگری کے سارے باسی

    وہ سارے دن

    جن کے کندھے پر سوتی ہے

    اب بھی تمہاری زلف کی خوشبو

    سارے لمحے

    جن کے ماتھے پر روشن

    اب بھی تمہارے لمس کا ٹیکا

    نم آنکھوں سے

    گم سم مجھ کو دیکھ رہے ہیں

    مجھ کو ان کے دکھ کا پتا ہے

    ان کو میرے غم کی خبر ہے

    لیکن مجھ کو حکم سفر ہے

    جانا ہوگا

    وقت کے اگلے شہر مجھے اب جانا ہوگا



    وقت کے اگلے شہر کے سارے باشندے

    سب دن سب راتیں

    جو تم سے ناواقف ہوں گے

    وہ کب میری بات سنیں گے

    مجھ سے کہیں گے

    جاؤ اپنی راہ لو راہی

    ہم کو کتنے کام پڑے ہیں

    جو بیتی سو بیت گئی

    اب وہ باتیں کیوں دہراتے ہو

    کندھے پر یہ جھولی رکھے

    کیوں پھرتے ہو کیا پاتے ہو

    میں بے چارہ

    اک بنجارہ

    آوارہ پھرتے پھرتے جب تھک جاؤں گا

    تنہائی کے ٹیلے پر جا کر بیٹھوں گا

    پھر جیسے پہچان کے مجھ کو

    اک بنجارہ جان کے مجھ کو

    وقت کے اگلے شہر کے سارے ننھے منے بھولے لمحے

    ننگے پاؤں

    دوڑے دوڑے بھاگے بھاگے آ جائیں گے

    مجھ کو گھیر کے بیٹھیں گے

    اور مجھ سے کہیں گے

    کیوں بنجارے

    تم تو وقت کے کتنے شہروں سے گزرے ہو

    ان شہروں کی کوئی کہانی ہمیں سناؤ

    ان سے کہوں گا

    ننھے لمحو!

    ایک تھی رانی

    سن کے کہانی

    سارے ننھے لمحے

    غمگیں ہو کر مجھ سے یہ پوچھیں گے

    تم کیوں ان کے شہر نہ آئیں

    لیکن ان کو بہلا لوں گا

    ان سے کہوں گا

    یہ مت پوچھو

    آنکھیں موندو

    اور یہ سوچو

    تم ہوتیں تو کیسا ہوتا

    تم یہ کہتیں

    تم وہ کہتیں

    تم اس بات پہ حیراں ہوتیں

    تم اس بات پہ کتنی ہنستیں

    تم ہوتیں تو ایسا ہوتا

    تم ہوتیں تو ویسا ہوتا



    دھیرے دھیرے

    میرے سارے ننھے لمحے

    سو جائیں گے

    اور میں

    پھر ہولے سے اٹھ کر

    اپنی یادوں کی جھولی کندھے پر رکھ کر

    پھر چل دوں گا

    وقت کے اگلے شہر کی جانب

    ننھے لمحوں کو سمجھانے

    بھولے لمحوں کو بہلانے

    یہی کہانی پھر دہرانے

    تم ہوتیں تو ایسا ہوتا

    تم ہوتیں تو ویسا ہوتا

    جاوید اختر


  2. The Following 2 Users Say Thank You to _Master_ For This Useful Post:


  3. #2
    Join Date
    Feb 2010
    Location
    dubai
    Posts
    11,835
    Mentioned
    7577 Post(s)
    Tagged
    11727 Thread(s)
    Thanked
    3026
    Rep Power
    214771

    Default Re: بنجارہ

    wahhhhh bht khoob zabrdast....


    30abdx0 - بنجارہ
    mera siggy koun uraa le gaya....

  4. The Following User Says Thank You to maya For This Useful Post:


  5. #3
    Join Date
    May 2018
    Location
    Searching...
    Posts
    692
    Mentioned
    0 Post(s)
    Tagged
    390 Thread(s)
    Thanked
    209
    Rep Power
    3

    Default Re: بنجارہ



  6. #4
    Join Date
    Nov 2014
    Location
    Lahore,Pakistan
    Posts
    22,584
    Mentioned
    1562 Post(s)
    Tagged
    20 Thread(s)
    Thanked
    5874
    Rep Power
    214777

    Default Re: بنجارہ

    عمدہ اور خوب صورت انتخاب
    شیئر کرنے کا شکریہ
    2gvsho3 - بنجارہ

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •