ماتھے کی شکن بن کرغم دل کا عیاں ہوتا

**intelligent086** · 03-10-2018, 01:35 AM

ماتھے کی شکن بن کرغم دل کا عیاں ہوتا
سینہ پہ چھری پڑتی ۔۔ چہرہ پہ نشاں ہوتا

ہم آپ ہی باعث ہیں اس خانہ خرابی کے
اس کوچے میں جا بستے جنت میں مکاں ہوتا

یہ دل کی نگاہوں میں اک منظرِ حسرت ہے
پستا جو نہ اول ہی ۔۔ آشوبِ جہاں ہوتا

وہ قصۂ درد آگیں چپ کردیا تھا جس نے
تم سے نہ سنا جاتا ، مجھ سے نہ بیاں ہوتا

ائے شمع خموشی ہی اُس بزم میں اچھی تھی
دل جلتا تو لَو اُٹھتی ، بجھتا تو دھواں ہوتا

دو تند ہواوؤں پر ۔۔ بنیاد ہے طوفاں کی
یا تم نہ حسیں ہوتے یا میں نہ جواں ہوتا

چپ رہتے جومحشرمیں ائے آرزوؔاوراک دم
ہر زخم دہن بنتا ۔۔۔ ہر تیر زباں ہوتا