دل روضۂ رسولؐ پہ محوِ سجود تھا
پابندیوں کے رخ پہ بھی رنگِ کُشود تھا
آقا نے مجھ کو دامنِ رحمت میں لے لیا
"میں ورنہ ہر لباس میں ننگِ وجود تھا "
رنگِ شگفتنِ گلِ طیبہ سے پیشتر
بے نام تھی بہار چمن بے نمود تھا
حدِّ نگاہ میں تھیں دو عالم کی وسعتیں
میرے لبوں پہ ذکرِ شہِ ہست و بود تھا
مہکا ہوا تھا ذکرِ محمدؐ سے ہر نَفَس
اُس انجمن میں کس کو سرِ مشک و عود تھا
جبریل سے سنیں شبِ اسرا کی رونقیں
انوار کے حصار میں چرخِ کبود تھا
اللہ رے مدحتِ شہِ لوح و قلم ایاز
تا بامِ عرش وردِ سلام و درود تھا
٭٭٭
Bht khubsurat sharings hai Habib Bhai
lajawab intakhab
Share karne ka bht shukriya
share karte rahiye
khush rahiye
mera siggy koun uraa le gaya....
Subhan Allah
Bohat umdah
Jazak Allah