ترے ہیں تجھی سے کرم مانگتے ہیں

**intelligent086** · 02-01-2019, 01:05 AM

a72.jpg

ترے ہیں تجھی سے کرم مانگتے ہیں
رحم کے ہیں طالب رحم مانگتے ہیں

تو ہی ہے عبادت کے لائق خدایا
تجھی سے مدد کے ہیں طالب خدایا
تجھی سے نگاہِ کرم مانگتے ہیں

تو ہی دو جہاں کا حقیقی ہے داتا
تو ہی بے نیاز اور یکتا ہے مولا
تو داتا ہے تجھ سے ہی ہم مانگتے ہیں

نہ دولت ہی دے اور نہ دے کوئی عہدہ
فقط اپنی رحمت کا دے تھوڑا صدقہ
یہی تجھ سے ہم دم بدم مانگتے ہیں

جو تڑپے تیری یاد میں وہ جگر دے
جو دیکھے تجھی کو بس ایسی نظر دے
ملا دے جو تجھ سے وہ غم مانگتے ہیں

گنا ہوں پہ اپنے بہت ہوں پشیماں
تو غفار ہے بخش دے ہم کو رحماں
کرم کر کہ تیرا کرم مانگتے ہیں

ہو تابع تیرے میری یہ زندگانی
ہر اک حال میں ہو تیری مہربانی
یہی چیز عرفانؔ ہم مانگتے ہیں