فضا ھے اور مرے چاروں طرف محبت ھے
ہوا ھے اور مرے چاروں طرف محبت ھے

یہ حادثہ ھے کہ ھے معجزہ نہیں معلوم
خدا ھے اور مرے چاروں طرف محبت ھے

کوئی عجیب سا سایہ فلک کی اس جانب
کھڑا ھے اور مرے چاروں طرف محبت ھے

مرے وجود کے پہلو میں کوئی شوروغل
بپا ھے اور مرے چاروں طرف محبت ھے

اک اجنبی مری بے چینیوں کا باعث بھی
ہوا ھے اور مرے چاروں طرف محبت ھے

مرے نصیب کی دیواروں پر غمِ دوراں
لکھا ھے اور مرے چاروں طرف محبت ھے