کس کا نظام راہ نما ہے افق افق
کس کا دوام گونج رہا ہے افق افق
شانِ عیاں کس کی عیاں ہے جبل جبل
رنگِ جمال کس کا جما ہے افق افق
کس کے لئے نجوم بکف ہے روش روش
بابِ شہود کس کا کھُلا ہے افق افق
کس کے لئے سرودِ صبا ہے چمن چمن
کس کے لئے نمودِ ضیا ہے افق افق
مکتوم کس کی موجِ کرم ہے صدف صدف
مرقوم کس کا حرفِ وفا ہے افق افق
کس کی طلب میں اہلِ محبت ہیں داغ داغ
کس کی ادا سے حشر بپا ہے افق افق
سوزاں ہے کس کی یاد میں تائبؔ نفس نفس
فرقت میں کسی کی، شعلہ نوا ہے افق افق
٭٭٭
Subhan Allah
Bohat umdah
Jazak Allah
wahhhh bht khoob jazak Allah khair
mera siggy koun uraa le gaya....