Results 1 to 3 of 3

Thread: مہر روشن چھپ گیا ، اٹھی نقاب روئے شام

  1. #1
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    New5555 مہر روشن چھپ گیا ، اٹھی نقاب روئے شام


    خفتگان خاک سے استفسار


    مہر روشن چھپ گیا ، اٹھی نقاب روئے شام
    شانۂ ہستی پہ ہے بکھرا ہوا گیسوئے شام
    یہ سیہ پوشی کی تیاری کس کے غم میں ہے
    محفل قدرت مگر خورشید کے ماتم میں ہے
    کر رہا ہے آسماں جادو لب گفتار پر
    ساحر شب کی نظر ہے دیدۂ بیدار پر
    غوطہ زن دریاۓ خاموشی میں ہے موج ہوا
    ہاں ، مگر اک دور سے آتی ہے آواز درا
    دل کہ ہے بے تابئ الفت میں دنیا سے نفور
    کھنچ لایا ہے مجھے ہنگامۂ عالم سے دور
    منظر حرماں نصیبی کا تماشائی ہوں میں
    ہم نشین خفتگان کنج تنہائی ہوں میں
    تھم ذرا بے تابی دل! بیٹھ جانے دے مجھے
    اور اس بستی پہ چار آ نسو گرانے دے مجھے
    اے مے غفلت کے سر مستو ، کہاں رہتے ہو تم
    کچھ کہو اس دیس کی آ خر ، جہاں رہتے ہو تم
    وہ بھی حیرت خانۂ امروز و فردا ہے کوئی؟
    اور پیکار عناصر کا تماشا ہے کوئی؟
    آدمی واں بھی حصار غم میں ہے محصور کیا؟
    اس ولایت میں بھی ہے انساں کا دل مجبور کیا؟
    واں بھی جل مرتا ہے سوز شمع پر پروانہ کیا؟
    اس چمن میں بھی گل و بلبل کا ہے افسانہ کیا؟
    یاں تو اک مصرع میں پہلو سے نکل جاتا ہے دل
    شعر کی گرمی سے کیا واں بھی پگل جاتا ہے دل؟
    رشتہ و پیوند یاں کے جان کا آزار ہیں
    اس گلستاں میں بھی کیا ایسے نکیلے خار ہیں؟
    اس جہاں میں اک معیشت اور سو افتاد ہے
    روح کیا اس دیس میں اس فکر سے آزاد ہے؟
    کیا وہاں بجلی بھی ہے ، دہقاں بھی ہے ، خرمن بھی ہے؟
    قافلے والے بھی ہیں ، اندیشۂ رہزن بھی ہے؟
    تنکے چنتے ہیں و ہاں بھی آشیاں کے واسطے؟
    خشت و گل کی فکر ہوتی ہے مکاں کے واسطے؟
    واں بھی انساں اپنی اصلیت سے بیگانے ہیں کیا؟
    امتیاز ملت و آئیں کے دیوانے ہیں کیا؟
    واں بھی کیا فریاد بلبل پر چمن روتا نہیں؟
    اس جہاں کی طرح واں بھی درد دل ہوتا نہیں؟
    باغ ہے فردوس یا اک منزل آرام ہے؟
    یا رخ بے پردۂ حسن ازل کا نام ہے؟
    کیا جہنم معصیت سوزی کی اک ترکیب ہے؟
    آگ کے شعلوں میں پنہاں مقصد تادیب ہے؟
    کیا عوض رفتار کے اس دیس میں پرواز ہے؟
    موت کہتے ہیں جسے اہل زمیں ، کیا راز ہے ؟
    اضطراب دل کا ساماں یاں کی ہست و بود ہے
    علم انساں اس ولایت میں بھی کیا محدود ہے؟
    دید سے تسکین پاتا ہے دل مہجور بھی؟
    'لن ترانی' کہہ رہے ہیں یا وہاں کے طور بھی؟
    جستجو میں ہے وہاں بھی روح کو آرام کیا؟
    واں بھی انساں ہے قتیل ذوق استفہام کیا؟
    آہ! وہ کشور بھی تاریکی سے کیا معمور ہے؟
    یا محبت کی تجلی سے سراپا نور ہے؟
    تم بتا دو راز جو اس گنبد گرداں میں ہے
    موت اک چبھتا ہوا کانٹا دل انساں میں ہے

    2gvsho3 - مہر روشن چھپ گیا ، اٹھی نقاب روئے شام

  2. The Following User Says Thank You to intelligent086 For This Useful Post:


  3. #2
    Join Date
    Feb 2010
    Location
    dubai
    Posts
    11,835
    Mentioned
    8910 Post(s)
    Tagged
    11727 Thread(s)
    Thanked
    3026
    Rep Power
    214772

    Default Re: مہر روشن چھپ گیا ، اٹھی نقاب روئے شام

    wahhhh bht khoob jazak Allah khair


    30abdx0 - مہر روشن چھپ گیا ، اٹھی نقاب روئے شام
    mera siggy koun uraa le gaya....

  4. The Following User Says Thank You to maya For This Useful Post:


  5. #3
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default Re: مہر روشن چھپ گیا ، اٹھی نقاب روئے شام

    Quote Originally Posted by maya View Post
    wahhhh bht khoob jazak Allah khair
    پسند اور رائے کا شکریہ
    2gvsho3 - مہر روشن چھپ گیا ، اٹھی نقاب روئے شام

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •