بے حجابانہ انجمن میں آ

**intelligent086** · 12-03-2019, 04:16 AM

بے حجابانہ انجمن میں آ
کم سخن محفلِ سخن میں آ
اے مرے آہوۓ رمیدہ کبھی
دل کے اجڑے ہوۓ خُتن میں آ
دل کہ تیرا تھا، اب بھی تیرا ہے
پھر اسی منزلِ کہن میں آ
اے گلستانِ شب کے چشم و چراغ
کبھی اجڑے دلوں کے بَن میں آ
کبھی فرصت ملے تو پچھلے پہر
شب گزیدوں کی انجمن میں آ
صبحِ نورس کی آنکھ کے تارے
چاند مرجھا گیا گہن میں، آ
رنگ بھر دے اندھیری راتوں میں
جانِ صبحِ وطن! وطن میں آ
پھول جھڑنے کی شام آ پہنچی
نو بہارِ چمن! چمن میں آ