Results 1 to 2 of 2

Thread: اب وہ کہتے ہیں

  1. #1
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    New5555 اب وہ کہتے ہیں


    اب وہ کہتے ہیں


    اب وہ کہتے ہیں تم کوئی چارہ کرو
    جب کوئی عہد و پیماں سلامت نہیں
    اب کسی کنج میں بے اماں شہر کی
    کوئی دل، کوئی داماں سلامت نہیں

    تم نے دیکھا ہے سر سبز پیڑوں پہ اب
    سارے برگ و ثمر خار و خس ہو گئے
    اب کہاں خوبصورت پرندوں کی رُت
    جو نشیمن تھے اب وہ قفس ہو گئے

    صحنِ گلزار خاشاک کا ڈھیر ہے
    اب درختوں کے تن پر قبائیں کہاں
    سرو و شمشاد سے قمریاں اُڑ گئیں
    شاخِ زیتون پر فاختائیں کہاں

    شیخ منبر پہ نا معتبر ہو چکا
    رند بدنام کوئے خرابات میں
    فاصلہ ہو تو ہو، فرق کچھ بھی نہیں
    فتوۂ دیں میں اور کفر کی بات میں

    اب تو سب راز داں، ہمنوا، نامہ بر
    کوئے جاناں کے سب آشنا جا چکے
    کوئی زندہ گواہی بچی ہی نہیں
    سب گنہگار، سب پارسا جا چکے

    اب کوئی کس طرح قُم بہ اذنی کہے
    اب کہ جب شہر کا شہر سنسان ہے
    حرفِ عیسیٰ نہ صورِ اسرافیل ہے
    حشر کا دن، قیامت کا میدان ہے

    مرگِ انبوہ بھی جشنِ ساماں نہیں
    اب کوئی قتل گاہوں میں جائے تو کیا
    کب سے توقیرِ لالہ قبائی گئی
    کوئی اپنے لہو میں نہائے تو کیا
    ٭٭٭


    2gvsho3 - اب وہ کہتے ہیں

  2. #2
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default Re: اب وہ کہتے ہیں

    2gvsho3 - اب وہ کہتے ہیں

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •