Results 1 to 2 of 2

Thread: کالی دیوار

  1. #1
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    New5555 کالی دیوار


    کالی دیوار


    کل واشنگٹن شہر کی ہم نے سیر بہت کی یار
    گونج رہی تھی سارے جگ میں جس کی جے جے کار

    ملکوں ملکوں ہم گھومے تھے بنجاروں کی مثل
    لیکن اس کی سج دھج سچ مچ دلداروں کی مثل

    روشنیوں کے رنگ بہیں یوں رستہ نظر نہ آئے
    من کی آنکھوں والا بھی یاں اندھا ہو ہو جائے

    بالا بام چراغاں رستے، روپ بھرے بازار
    جاگتی آنکھوں سے دیکھا ہے خوابوں کا سنسار

    ایک سفید حویلی جس میں بہت بڑی سرکار
    یہیں کریں سوداگر چھوٹی قوموں کا بیوپار

    یہیں پہ جادو گر بیٹھا جب کہیں کی ڈور ہلائے
    ہر بستی ناگاساکی، ہیروشیما بن جائے

    اسی حویلی سے کچھ دور ہی اک کالی دیوار
    لوگوں کی وہ بھیڑ لگی تھی، چلنا تھا دشوار

    اس کالی دیوار پہ کندہ دیکھے ہزاروں نام
    ان ناموں کے بیچ لکھا تھا "شہدائے وِتنام"

    دُور دُور سے جمع ہوئے تھے طرح طرح کے لوگ
    آنکھوں آنکھوں ویرانی تھی، چہروں چہروں سوگ

    بیکل بہنیں، گھائل مائیں، کرلاتی بیوائیں
    ساجن تم کس دیس سدھارے پوچھیں محبوبائیں

    اپنے پیاروں دلداروں کا اوجھل مکھڑا ڈھونڈیں
    اس کالی دیوار پہ ان کے نام کا ٹکڑا ڈھونڈیں

    دلوں میں غم، پلکوں پر شبنم، ہاتھوں میں پھول اٹھائے
    اس ناموں کے قبرستان کا بھید کوئی کیا پائے

    نا تربت نہ کتبہ کوئی نا ہڈی نا ماس
    پھر بھی پاگل نیناں کو تھی پیا ملن کی آس

    کہیں کہیں دیوار پہ چسپاں ایک سفید گلاب
    جیسے ماں کا کوئی آنسو، جیسے باپ کا خواب

    سبھی کے دل میں کانٹا بن کر کھٹکے ایک سوال
    کس کارن مٹی میں ملائے ہیروں جیسے لال

    پیلے پیلے دیس پہ ہم نے کیا کیا اندھیارے برسائے
    اس کے جیالے تو کٹ مر کر روشنیاں لے آئے

    لیکن اتنے چاند گنوا کر ہم نے بھلا کیا پایا
    ہم بد قسمت ایسے جن کو دھوپ ملی نہ چھایا

    مُکھ موتی دے کر حاصل کی یہ کالی دیوار
    یہ کالی دیوار جو ہے بس اک خالی دیوار

    یہ کالی دیوار جو ہے ناموں کا قبرستان
    واشنگٹن کے شہر میں دفن ہیں کس کس کے ارمان
    ٭٭٭


    2gvsho3 - کالی دیوار

  2. #2
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default Re: کالی دیوار

    2gvsho3 - کالی دیوار

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •