Results 1 to 2 of 2

Thread: تم کہ سنتے رہے اوروں کی زبانی لوگو

  1. #1
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    New5555 تم کہ سنتے رہے اوروں کی زبانی لوگو



    بہ اندازِ مثنویِ قدیم

    تم کہ سنتے رہے اوروں کی زبانی لوگو
    ہم سناتے ہیں تمہیں اپنی کہانی لوگو

    کون تھا دشمنِ جاں وہ کوئی اپنا تھا کہ غیر
    ہاں وہی دشمنِ جاں دلبرِ جانی لوگو

    زلف زنجیر تھی ظالم کی تو شمشیر بدن
    روپ سا روپ جوانی سی جوانی لوگو

    سامنے اس کے دِکھے نرگسِ شہلا بیمار
    رو برو اس کے بھرے سرو بھی پانی لوگو

    اس کی گفتار میں خندہ تھا شگفتِ گل کا
    اس کی رفتار میں چشمے کی روانی لوگو

    اس کے ملبوس سے شرمندہ قبائے لالہ
    اس کی خوشبو سے جلے رات کی رانی لوگو

    ہم جو پاگل تھے تو بے وجہ نہیں تھے پاگل
    ایک دنیا تھی مگر اس کی دوانی لوگو

    عشق اور مُشک چھپائے نہیں چھپتے یوں بھی
    کب رہا راز کوئی رازِ نہانی لوگو

    ایک تو عشق کیا عشق بھی پھر میرؔ سا عشق
    اس پہ غالبؔ کی سی آشفتہ بیانی لوگو

    حیلہ جُو ویسے بھی ہوتے ہیں زمانے والے
    اس پہ آئی نہ ہمیں بات چھپانی لوگو

    داستاں کوئی بھی ہو ذکر کسی شخص کا ہو
    ہم نے اس نام سے تمہید اٹھانی لوگو

    ہاں وہی نام کہ جس نام سے وابستہ ہے
    ہر محبت وہ نئی ہو کہ پرانی لوگو

    ہم ہی سادہ تھے، کیا اس پہ بھروسا کیا کیا
    ہم ہی ناداں تھے کہ لوگوں کی نہ مانی لوگو

    ہم تو اس کے لئے گھر بار بھی تج بیٹھے تھے
    اس ستمگر نے مگر قدر نہ جانی لوگو

    کس طرح بھول گیا قول و قسم وہ اپنے
    کتنی بے صرفہ گئی یاد دہانی لوگو

    جس طرح تتلیاں باغوں سے سفر کر جائیں
    جیسے الفاظ میں مر جائیں معانی لوگو

    اب غزل کوئی اترتی ہے تو نوحے کی طرح
    شاعری ہو گئی اب مرثیہ خوانی لوگو

    شمع رویوں کی محبت میں یہی ہوتا ہے
    رہ گیا داغ فقط دل کی نشانی لوگو
    ٭٭٭



    2gvsho3 - تم کہ سنتے رہے اوروں کی زبانی لوگو

  2. #2
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default Re: تم کہ سنتے رہے اوروں کی زبانی لوگو

    2gvsho3 - تم کہ سنتے رہے اوروں کی زبانی لوگو

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •