Results 1 to 2 of 2

Thread: بلاد اسلامیہ

  1. #1
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    candel بلاد اسلامیہ


    حصہ سوم سے 1908— —

    بلاد اسلامیہ


    سرزمیں دلی کی مسجود دل غم دیدہ ہے
    ذرے ذرے میں لہو اسلاف کا خوابیدہ ہے
    پاک اس اجڑے گلستاں کی نہ ہو کیونکر زمیں
    خانقاہ عظمت اسلام ہے یہ سرزمیں
    سوتے ہیں اس خاک میں خیر الامم کے تاجدار
    نظم عالم کا رہا جن کی حکومت پر مدار
    دل کو تڑپاتی ہے اب تک گرمی محفل کی یاد
    جل چکا حاصل مگر محفوظ ہے حاصل کی یاد
    ہے زیارت گاہ مسلم گو جہان آباد بھی
    اس کرامت کا مگر حق دار ہے بغداد بھی
    یہ چمن وہ ہے کہ تھا جس کے لیے سامان ناز
    لالۂ صحرا جسے کہتے ہیں تہذیب حجاز
    خاک اس بستی کی ہو کیونکر نہ ہمدوش ارم
    جس نے دیکھے جانشینان پیمبر کے قدم
    جس کے غنچے تھے چمن ساماں ، وہ گلشن ہے یہی
    کاپنتا تھا جن سے روما ، ان کا مدفن ہے یہی
    ہے زمین قرطبہ بھی دیدۂ مسلم کا نور
    ظلمت مغرب میں جو روشن تھی مثل شمع طور
    بجھ کے بزم ملت بیضا پریشاں کر گئی
    اور دیا تہذیب حاضر کا فروزاں کر گئی
    قبر اس تہذیب کی یہ سر زمین پاک ہے
    جس سے تاک گلشن یورپ کی رگ نم ناک ہے
    خطۂ قسطنطنیہ یعنی قیصر کا دیار
    مہدی امت کی سطوت کا نشان پائدار
    صورت خاک حرم یہ سر زمیں بھی پاک ہے
    آستان مسند آرائے شہ لولاک ہے
    نکہت گل کی طرح پاکیزہ ہے اس کی ہوا
    تربت ایوب انصاری سے آتی ہے صدا
    اے مسلماں! ملت اسلام کا دل ہے یہ شہر
    سینکڑوں صدیوں کی کشت و خوں کا حاصل ہے یہ شہر
    وہ زمیں ہے تو مگر اے خواب گاہ مصطفی
    دید ہے کعبے کو تیری حج اکبر سے سوا
    خاتم ہستی میں تو تاباں ہے مانند نگیں
    اپنی عظمت کی ولادت گاہ تھی تیری زمیں
    تجھ میں راحت اس شہنشاہ معظم کو ملی
    جس کے دامن میں اماں اقوام عالم کو ملی
    نام لیوا جس کے شاہنشاہ عالم کے ہوئے
    جانشیں قیصر کے ، وارث مسند جم کے ہوئے
    ہے اگر قومیت اسلام پابند مقام
    ہند ہی بنیاد ہے اس کی ، نہ فارس ہے ، نہ شام
    آہ یثرب! دیس ہے مسلم کا تو ، ماوا ہے تو
    نقطۂ جاذب تاثر کی شعاعوں کا ہے تو
    جب تلک باقی ہے تو دنیا میں ، باقی ہم بھی ہیں
    صبح ہے تو اس چمن میں گوہر شبنم بھی ہیں



    2gvsho3 - بلاد اسلامیہ

  2. #2
    Join Date
    Nov 2014
    Location
    Lahore,Pakistan
    Posts
    25,270
    Mentioned
    1562 Post(s)
    Tagged
    20 Thread(s)
    Thanked
    5876
    Rep Power
    214780

    Default Re: بلاد اسلامیہ

    2gvsho3 - بلاد اسلامیہ

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •