SD lover
رب کے فیضِ اَتم کی بات کرو
صلی اللہ علیہ وآلہ وسلم
رب کے فیضِ اَتم کی بات کرو
تاجدارِ حرم کی بات کرو
جن کا حُسنِ کرم ہے وجہِ حیات
اُن کے حُسنِ کرم کی بات کرو
تم گدا ہو درِ محمدﷺ کے
اپنے جاہ و چشم کی بات کرو
ابرِ رحمت سے جس کا رشتہ ہے
بس اسیِ چشمِ نم کی بات کرو
کون ان کی عطا سے ہے محروم
مُعطئی محترم کی بات کرو
جو کرم ہے کریم مُطلق کا
اُس سراپا کرم کی بات کرو
راستے خود ہی جگمگائیں گے
اُن کے نقشِ قدم کی بات کرو
غمِ دنیا کا ہے علاج یہی
عشقِ شاہِ امم کی بات کرو
وجہِ تسکین ہے ان کا غم خالدؔ
آہ کی چشمِ نم کی بات کرو
-------
خالد محمود خالد نقشبندی مجددی
قدم قدم سجدے ۔ مجموعہ نعت
صفحہ نمبر۔ 210
SD lover
Posting Permissions
Reply With Quote
Re: رب کے فیضِ اَتم کی بات کرو