eik desi perdesi sa...

[Rani]

ay ajnabi hawa
meray des ki galiyon say
guzerna toh zra
dekhna
jahan tumein milay
eik desi perdesi sa
apna sa be-gana sa
ujaar banjarr asheyanoun sa
bas wahien meri manzal hai
mera toota phoota dil hai
chupkay say ja k mera bataana unnhein
wo heraan ankhein
mager udas ankhein
mera poochein gi
tujh say ann-ginnat sawal poochein gi
wo barsein gi meray ziker par
meray haal ka kuch na pata dena
bas tum unnhein itna bata dena
k ansoo bahaanay ko
kuch bacha nahi
koi yaad nahi
koi aas nahi....

[SiLenT ScReaM]

bohat zabardst likha hay..

hamesha khush rahoo

[Bheegi-Palkain]

Assalam-o-Alikum WR WB

Aap to acha likh laytay ho MAshalah

FeamnAllah

[~*Rano*~]

v zaberdast Rani..

[ishtiaq zain]

bahot khoob Rani,be had khoobsurat nazam kahi hai aap ne,nazam ka khayaal,aor khayaal main tasalsul bahot achha laga,alfaaz ka chunao bhi bahot khoob hai,so bahot si daad qabool kijiye,is khoobsurat nazam par,
mashq-e-sukhan jaari rakhiye,INSHA ALLAH mazeed taraqi paayain gi,

[ur_friend]

bht hi khoob bht acha rani jeee

[withlove]

wahh.. achi nazm kahi.. likhti rahiye.. ke aur bhi nikhar aaye ga.. daad hazir hai .. qabool kijiye.. Nawazish..

wafa aur dua ke saath
withlove

[dreamer]

waah raani saahiba! aap nay to aik dam kamaal hi krdiya...ye to pichli nazm ki nisbat boht ziyada achi nazm kahi hay aap nay,,sach poochye waqae maza aaya parh kay! boht saari daad aap kay liye

[Mohammad Sajid]

Zabardast

[Hijaab]

bohat acha likha hai dear