~ mohabbat mojza ker day ~

**~*zaib*~** · 03-05-2008, 08:26 PM

mohabbat moajzza karde
mere sehn-e-hunar main
roshni karte khaylon ki tilawat se
mere sher-o-sukhan main
hurf-o-manay ki hikayat se
ussey bhi aashna karde
mohabbat moajzza karde....

faseel-e-dil pe likhi dard ki pinhan ibarat se
mohabbat ko badan ki akhri sanson ki had tak
nibha deni ki aadat se
ussey bhi aashna karde;
mohabbat moajzza karde....

sir-e-muzgan chmakte aanson ki jugmagahat se
pus girya meri jalti aankhon ki hiddat se
sawal-e-wisal se mehroom honton per
duay-e-shab ki hurmat se
ussey bhi aashna karde
mohabbat moajzza karde....

aazab-e-tushnagi sehti hui sanson ki wehshat se
mere jazbon ki shiddat se, mere hurf-e-mohabbat se
meri tanha musafat se;
ussey bhi ashna ker day… .............