~!~ Saghar Siddiqui ki Poetry~!~

[~AawarA~]

Asalam o Alikum...!!!
ji dosto jesa k naam se zahir hai k yeh thread Saghar Siddiqui k fans k liye hai...!!!
iss thread mai aap Saghar siddiqui ki poetry share ker saktey hain...!!!
aap sab se request hai k plz iss thread mai Saghar siddiqui k ilawa aur kisi poet ki poetry na share keren...
shukriya...

[~AawarA~]

vo bulaaye.n to kyaa tamaashaa ho
ham na jaaye.n to kyaa tamaashaa ho
ye kinaaro.n se khelane vaale
Duub jaaye.n to kyaa tamaashaa ho
bandaa_parvar jo ham pe guzarii hai
ham bataaye.n to kyaa tamaashaa ho
aaj ham bhii terii vafaao.n par
muskuraaye.n to kyaa tamaashaa ho
terii suurat jo ittefaaq se ham
bhuul jaaye.n to kyaa tamaashaa ho
vaqt kii chand sa'ate.n 'Sagar'
lauT aaye.n to kyaa tamaashaa ho

[hawwa ki beti]

hai duaa yaad magar harf-e-duaa yaad nahii.n
mere naGmaat ko a.ndaaz-e-navaa yaad nahii.n

mai.n ne palako.n se dar-e-yaar pe dastak dii hai
mai.n vo saahil huu.N jise ko_ii sadaa yaad nahii.n

mai.n ne jin ke liye raaho.n me.n bichhayaa thaa lahuu
ham se kahate hai.n vahii ahad-e-vafaa yaad nahii.n

kaise bhar aa_ii.n sar-e-shaam kisii kii aa.Nkhe.n
kaise tharraa_e charaaGo.n kii ziyaa yaad nahii.n

sirf dhu.ndhalaa_ii sitaaro.n kii chamak dekhii hai
kab huaa kaun huaa kis se Khafaa yaad nahii.n

zindagii jabr-e-musalasal kii tarah kaTatii hai
jaane kis jurm kii paa_ii hai sazaa yaad nahii.n

aao ik sajdaa kare.n aalam-e-madhahoshii me.n
kahate hai.n ke "Sagar" ko Khudaa yaad nahii.n

[naz]

azmat-e-zindagii ko bech diyaa
ham ne apanii Khushii ko bech diyaa

chashm-e-saaqii ke ik ishaare pe
umr kii tishnagi ko bech diyaa

rind jaam-o-subuu pe ha.Nsate hai.n
shaiKh ne bandagii ko bech diyaa

rah_guzaaro.n pe luT ga_ii raadhaa
shaam ne baa.Nsurii ko bech diyaa

jagamagaate hai.n vahashato.n ke dayaar
aql ne aadamii ko bech diyaa

lab-o-ruKhsaar ke ivaz ham ne
sitvat-e-Khusravii ko bech diyaa

ishq beharuupiyaa hai ai 'Sagar'
aap ne saadagii ko bech diyaa

[Saff-Shikan]

Nice Sharing :-)