Red Charade (wasee shah)

**~*Jhalla*~** · 26-05-2008, 09:46 PM

Us say Main Aksar Kehta Tha
Janaan! Apni gari Badlo.
Tum per yeah Choti Charade Bilkul Suit nahi kerti hai
Dekho! iskay Paheye dekho
Dekho dekho yeah dash board
Kitna Halka, kitna Saasta
Waisay bhe Tum Saach poocho to
yeah Jo ungli main Daimond hai
Yeh bhe Is say Mehnga ho ga
Is main Aisi do, do Carain A sekti hain
Us say main AKsar kehta tha
Yaar! tum apni gari Badlo
Jaray Anay Walay hain aur Heater kaam Nahi Kerta hai
Yeh AC bhe theek nahi hai Tumko Lou bhe Lag sekti hai
Aur yeah dekho
Itni Achi Composition aur Boseeda Sound System
Meri Aqal say Saab bahir hai
Main to Public Transport per Aa jata Hoon
bachpan say Iska Aadi Hoon
Lekin Tum yeah Kaisay, Kiun ker, Itni Choti Gari tauba
Meri Aqal say Saab Bahir hai

Uss say main Aksar kehta tha
Yaar!tum Apni Gari Badlo

Ik Din woh Zich ho ker Boli
"janay Kia hai Kuch Arsay say
Jub say Tum Jewan main aye
Choti Gari, Choti Cheezain
do kamroon k Chotay ghar aur Chotay Angan
Choti Moti Hansti Duniya,Choti Gaaliyan
Choti Basti
Nanay Munay Mehkay Khwab
aur kuch Choti Choti Khushiyan
Mughko Ab Achi lagti hain
Janay Kia hai lekin saab kuch choti choti khwahish ban ker
Mugh main Ruks kia kerta hai"
Main Nadaan tha yeh samgha woh meri Ghurbaat main asaani say reh lay ge
Phir Kuch urtay Lamhay Aye
College k do Saal youn guzzray jaisay Sans Guzer Jati hai
Do saalon main Mosaam badlay fashion aur say aur hua aur
Soochon main tabdili aye
Hum Chotay say Baray Hue aur
Jeenay ko Pehlay say Barh ker Mushkil paya
Uski her Choti Khwahish ka Kaad Nikla aur
Uski Nani soochon nay bhe Karwant badli

Ik Din usnay apnay ghar ke Sari Choti Choti Cheezain
Apnay Mali k chotay Bachay ko Day deen
Choti Galiyan, Chotay Angan, choti Basti
Yeah Saab To Waisay bhe usko Ik Ghar main he Mill sakta tha

Usnay Choti Gari Badli

Tark Kiye wooh Saray Dost
Saab rishtay aur Saray Saathi
Jo Chotay thay
Aur Shayad Un Saab Choton meen
Main Saab Say Chota Tha

Us Say Main Khud he kehta tha
Yaar Tum apni Gari..